ԿարևորՀասարակություն

Երևանի կենդանաբանական այգին հրավիրում է Ամանորի միջոցառումներին

Երևանի կենդանաբանական այգում սկսվել են Ամանորի նախապատրաստությունները։ Այգին աշխատակիցների և այցելուների ջանքերով տոնական տեսք է ստանում։

Իսկ հիմնական միջոցառումները նախատեսված են դեկտեմբերի 21-ին՝ ժամը 17.00-ից։ Այդ օրը կենդանաբանական այգու դռները բաց կլինեն բոլորի առջև. մուտքն անվճար է։

Ծրագրի ընթացքում մանուկները հնարավորություն կունենան մասնակցելու այգում կազմակերպվող ինտելեկտուալ, ճանաչողական և բազմաժանր խաղերին, ստանալու տեսական գիտելիքներ կենդանիների ձմեռման մասին։ Իսկ Ձմեռ պապն ու Ձյունանուշը երեխաների համար կվարեն հետաքրքիր խաղեր և մրցույթներ։

Ծրագրին հրավիրվել են նաև «Հայաստանի մանուկներ» բարեգործական հիմնադրամի սաները՝ Հայաստանի սահմանամերձ բնակավայրերից, ‹‹Քայլ առաջ›› հիմնադրամի շահառուները, Երևանի կենդանաբանական այգում անցկացված հիպոթերապիայի մասնակիցները և ‹‹Լուսե›› կենտրոնի սաները:

Ցուցադրել ավելի
Back to top button