Գևորգ Հակոբյանի ձայնն այսօր աշխարհում հազվադեպ հանդիպող դրամատիկ բարիտոն է: Բեմական հմայքի, շեշտված անհատականության, հիմնավոր գիտելիքների ու աստվածատուր շնորհքի, դերասանական հզոր խաղի, կատարողական բարձր արվեստի և ինքնատիպ վարպետության շնորհիվ արվեստագետը կերտել է հրաշալի կերպարներ՝ մեր օրերի համաշխարհային օպերային արվեստում զբաղեցնելով իր ուրույն տեղը: Հաղորդումն անդրադառնում է Գևորգ Հակոբյանի ստեղծագործական գործունեությանը, հյուրախաղերին, նոր նախագծերին: Զրույց ՀՀ վաստակավոր արտիստ, Ալեքսանդր Սպենդիարյանի անվան օպերայի և բալետի ազգային ակադեմիական թատրոնի մեներգիչ Գևորգ Հակոբյանի հետ:
