ԱՄՆ Սենատի կողմից Հայոց ցեղասպանության ճանաչման եւ դատապարտման բանաձեւը արդարության եւ ճշմարտության հաղթանակ է։ Այս մասին Թվիթերի իր միկրոբլոգում գրել է ՀՀ վարչապետ Նիկոլ Փաշինյանը։ Նա իր եւ աշխարհասփյուռ հայերի անունից շնորհակալություն է հայտնել Սենատին՝ բանաձեւի ընդունման համար։
«ԱՄՆ Սենատի 150 բանաձևի ընդունումը արդարության և ճշմարտության հաղթանակն է: Աշխարհում սփռված բոլոր հայերի եւ իմ անունից խորին երախտագիտություն եմ հայտնում Սենատին`այս նշանակալից օրենսդրության ընդունման համար։ Սա հարգանքի տուրք է 20-րդ դարի առաջին Ցեղասպանության 1,5 միլիոն զոհերի հիշատակին և համարձակ քայլ` նման ոճրագործությունների կանխարգելելու համար: #Այլեւս երբեք»,- գրել է ՀՀ վարչապետը։