Վարձատրության համակարգը պետք է կարևորել, որովհետև մենք այս ժամանակահատվածին վերավերվում ենք որպես միջանկյալ, քանի դեռ չի գտնվել վարձատրության համակարգը կանոնակարգող լավագույն լուծումը, այսօր լրագրողների հետ հարցուպատասխանի ընթացքում ասաց ՀՀ ֆինանսների նախարար Ատոմ Ջանջուղազյանը, պատասխանելով հարցին, թե արդյոք շարունակելու են պարգևավճարներ տալ:
«Այո՛, պարգևավճարներ տրվելու են, որովհետև դա նախատեսված է: Ավելին ասեմ՝ ֆինանսների նախարարությունում աշխատակազմի թվաքանակի փոփոխության արդյունքում ունենք կոնկրետ տնտեսումներ, պոտենցիալ հնարավորություն պարգևավճարներ տալու: Արդյոք դրանք կառաջացնեն նույն արձագանքը, ինչ անցած տարի՝ կյանքը ցույց կտա»,-ասաց ֆինանսների նախարարը
