ԿարևորՄշակույթ

Անվանի երաժիշտների մասնակցությամբ համերգներ՝ նվիրված Լեւոն Մալխասյանի 75-րդ տարեդարձին

Ջազի լեգենդ, կոմպոզիտոր, ՀՀ ժողովրդական արտիստ Լեւոն Մալխասյանի 75-րդ տարեդարձի կապակցությամբ Երեւանում այս ամիս կկազմակերպվեն համերգներ՝ հանրահայտ արտիստների մասնակցությամբ:

Դեկտեմբերի 8-ին Կարեն Դեմիրճյանի անվան մարզահամերգային համալիրում կկայանա իսրայելցի ջազ կոնտրաբասահար, կոմպոզիտոր, երգիչ, գործիքավորող Ավիշայ Քոենի եւ դաշնակահար, ՀՀ արվեստի վաստակավոր գործիչ Վահագն Հայրապետյանի համերգը, որի շրջանակում նրանց կնվագակցի Հայաստանի պետական սիմֆոնիկ նվագախումբը (գեղարվեստական ղեկավար եւ գլխավոր դիրիժոր՝ Սերգեյ Սմբատյան):


Դեկտեմբերի 18-ին Մարզահամերգային համալիրում կկայանա Գրեմմիի 10-ակի դափնեկիր, լեգենդար Take 6 ակապելա խմբի համերգը: Երեւանում աշխարհում ամենաշատ մրցանակներ նվաճած այս կոլեկտիվը ելույթ է ունենալու առաջին անգամ:

Բացի այդ, դեկտեմբերի 25-ին, ժամը 19:30 «Արամ Խաչատրյան» համերգասրահում կկայանա հոբելյանական երեկո՝ կրկին նվիրված Լեւոն Մալխասյանի 75-ամյակին: Երեկոյի ընթացքում հանդես կգան Մալխասը եւ նրա ընկերները:

Համերգների կազմակերպիչը Prime Production-ն է:

Ցուցադրել ավելի
Back to top button
Close