ԿարևորՀասարակություն

Այսօր ազգային հերոս Մովսես Գորգիսյանի ծննդյան օրն է

Ազգային-ազատագրական շարժման գործիչ Մովսես Գորգիսյանը ծնվել է 1961 թ․ դեկտեմբերի 3-ին Երևանում։ Ապագա հերոսը հիմնական կրթությունն ստանալուց հետո ընդունվել է Երևանի պետական մանկավարժական ինստիտուտի մշակույթի ֆակուլտետի ռեժիսուրայի բաժին, որն ավարտելուց հետո 1986-1987 թթ․ աշխատանքի է անցել Գորիսի դրամատիկական թատրոնում։

Նաեւ Մովսես Գորգիսյանի ջանքերով 1989-ին ստեղծվեց «Անկախության բանակ» ջոկատը:

Գորգիսյանին շատերն են հիշում Ազատության հրապարակում կանգնած՝ «Կեցցե՛ այն Հայաստանը, որը վաղն է գալու» կոչն արտասանելիս․․․ Նա առաջինն էր, ում վիճակված էր Ազատության հրապարակում բարձրացնել բաղձալի եռագույնը։ Սակայն նման գործչին վիճակված չէր տեսնել անկախ Հայաստանը։

Երևանում տեղի ունեցած հանրահավաքներից մեկի ժամանակ հայտարարվել էր Երասխին սպառնացող վտանգի մասին։ Կամավորականները Ազատության հրապարակից միանգամից մեկնեցին Երասխ։ Այնտեղ էր նաև Մովսեսը։ Ինքնապաշտպանությունը տևեց 2 օր՝ հունվարի 17-19-ը։ Մինչև վերջ հայկական ուժերը կարողացան ջախջախել թշնամուն, նրան հետ շպրտել մինչև Նախիջևան։ Սակայն զոհերը քիչ չէին: Ազատամարտիկ Երվանդ Սաղումյանի հետ միասին Երասխի համար մղվող մարտերում 28 տարեկանում զոհվեց նաև Մովսես Գորգիսյանը։

1996 թ․ սեպտեմբերի 20-ին Հայաստանի նախագահ Լևոն Տեր-Պետրոսյանի կողմից Մովսես Գորգիսյանը հետմահու արժանացավ Ազգային հերոսի կոչմանը, նաև՝ «Հայրենիք» շքանշանին։

Ցուցադրել ավելի
Back to top button