ԿարևորՀասարակություն

Զապէլ Եսայեանի մշակոյթի տան բացումը Դեկտեմբեր ամսուն Կ․Պոլսոյ «Արաս» հրատարակչատան մէջ

Անի Զէյթունցեան
Ռատիօ Լուր

Արաս հրատարակչատունը հիմնուած է 1993–ին։ Հայերէն և թրքերէն գիրքեր հրատարակելով  հայ և թուրք իրականութեան համար գիրքերու միջոցով մերձեցման գաղափարն է, հայերը և թուրքերը իրար մօտեցնելու, ծանօթացնելու միտումով   ձգտած են «Արաս»–ի երբեմնի հիմնադիրները՝  Հրանդ Տինքը, Մկրտիչ և Արտաշէս Մարկոսեանները նաև Եդուարդ  և Արմէն Թովմանեանները, որոնք 26 տարիներ առաջ հիմնած են այս հրատարակչատունը և մօտաւորապէս թիւով 250 տարբեր գիրքեր հրատարակած են ։

Զրուցակիցս ՝ Ռոպէր Քոբթաշն է, որ «Ակօս»–ի նախկին խմբագրապետը եղած է,  հիմա կը վարէ «Արաս»–ի տնօրէնութեան պաշտօնը։

«Համայնքէն ներս և համայնքէն դուրս հայութիւնը ցոյց կու տանք թուրքերուն , անոնք կը դիմեն «Ակօս»–ին կամ «Արաս»–ին գտնելու իրենց պէտք եղող գիտելիքները հայ մշակոյթի մասին», – կ՛ըսէ զրուցակիցս։

Հետևաբար Արաս դարձած է յարգանքի արժանի կեդրոն մը։

Առաջին անգամ ըլլալով նոր գրասենեակին մէջ պիտի բացուի հայ մշակոյթի նուիրուած կեդրոնը , և պիտի կրէ  Զապէլ Եսայեանի անունը կամ «Եսայեան սալոն» թրքերէնով,  բացումը պիտի կայանայ Դեկտեմբեր ամսուն  առաջին  շաբաթը։

«Արաս»–ի կապը Հայաստանի հետ միշտ շատ լաւ  եղած է ․սակայն կապերը աւելի սերտացնելու ալ միտում կայ․– յայտնեց Ռոպէր։

Հայաստանի մէջ այսօր արևմտահայեր ալ կ՛ապրին Սուրիայէն Լիբանանէն եկածներ։ Անոնք աւելի կարևոր կը համարեն արևմտահայերէն հրատարակութիւնները  Հայաստանի գրադարաններուն մէջ ։

«Արաս»  հրատարակչատան կ՛աջակցի Կիւպէնկեան հիմնադրամը նոյնպէս , ինչպէս նաև  Թովմասեան ընտանիքը կը լրացնէ բացը։

«Արաս»–ի տնօրէնը Հանրային Ռատիօ–ին յայտնեց նորութիւն մը ևս․ «Մանկական արևմտահայերէն գիրքեր բաւարար չըլլալուն համար  հայ իրականութեան մէջ վաճառանիշ մը ստեղծեցինք՝  HIPPO  անունով տարեկան 10 –12 գիրք հրատարակելու ծրագիր ունինք , այսպիսով յետագային կ՛ունենանք մեծաթիւ մանկական գիրքեր արևմատահայերէնով», –ըսաւ երիտասարդ տնօրէնը «Արաս» հարատարակչատան։

Ռոպէր Քոբթաշի հետ զրուցեցինք Պոլսոյ  «Արաս»  հրատարակչատան նոր գրասենեակին մէջ, գաւաթ մը թէյի շուրջ յայտնի Փերա փողոցին վրայ։ 

Ցուցադրել ավելի
Back to top button