«Ենոքավանի հանրապետություն» հաղորդման հեղինակ Արտակ Չիբուխչյանը կարծում է, որ հարկային համակարգը վերանայման խնդիր ունի։ Հարկագոյացումը, ըստ նրա, ճիշտ ուղղությամբ չի գնում։ Եկեք չզբաղվենք պոպուլիզմով՝ ասում է Չիբուխչյանը։
«Եկեք չասենք, որ փոքրն ու միջինը ազատվում են ԱԱՀ-ից, քանի որ նրանց ստեղծած արժեքի համար վճարում է խոշորը, իսկ խոշորին ձեռնտու չէ վճարել և’ իր, և’ փոքրի համար: Դրա համար խոշորը կգնի խոշորից, որը ևս վճարում է ԱԱՀ, որպեսզի չվճարողի բեռն իր վրա չընկնի»:
Գործող մոդելը, ըստ Չիբուչյանի, կտանի հայտնի ուղղությամբ․ խոշորներն ավելի կխոշորոնան, փոքրերն ու միջիններն այդպես էլ կմնան ու կմտածեն խոշորի մոտ աշխատանք գտնելու մասին:
Ճիշտ հարկման իր մոդելի ու պատկերացումների մասին Արտակ Չիբուչյանը պատմել է «Ենոքավանի հանրապետություն» հեղինակային ծրագրում։