ԿարևորՀասարակություն

Հայաստանը՝ փոքր Սիլիքոն հովիտ. Երվանդ Զօրեան

Անի Զէյթունցեան
Ռատիօ Լուր

Հայաստանի մէջ Դեկտեմբեր ամսուն տեղի պիտի ունենայ ամենամեայ մրցանակաբաշխութիւն: Սա կարևոր մրցանակ  է, որ կը տրուի  անձի մը, որ օգուտ տուած է միջազգային առումով մարդկութեան IT-ի ճամբով: Այս պատճառով Հայաստանի ՏՏ ոլորտը կրնանք ծանօթացնել դէպի դուրս, դէպի աշխարհը ցոյց տալու համար, որ մենք ալ ունինք մեր Նոպէլեան մրցանակը: Ասիկա պետական հովանաւորութեամբ մրցանակ է Արդիւնաբերութեան նախարարութեան հետ,  իսկ նախաձեռնողներն են Սինոփսիս Արմէնիան և ՎԻվա Սէլը:

Բացառիկ հարցազրոյցի հիւրս է՝ Սինոփսիս Արմէնիա ընկերութեան տնօրէն, Հայկական վիրթուալ համալսարանի հիմնադիր նախագահ,  ինչպէս նաև Հայկական Բարեգործական  Ընդհանուր միութեան կեդրոնական վարչութեան անդամ  Երվանդ Զօրեան։

Ան եկած էր Հայաստան այս անգամ մասնակցելու   WCIT 2019 համաշխարհային համագումարին , երբ աշխարհի հզօր հայերը մեր երկրի մէջ կը գտնուէին:  Թէ ինչպիսի ձեռքբերումներ ունեցանք սոյն համաժողովի արդիւնքով,  մենք զրուցեցինք մերն հիւրին հետ:

Երվանդ Զօրեանի համար սոյն համագումարը ոչ սովորական համաժողով  էր. « Յաճախ կ՛երթանք ու կը խօսուին  IT  ոլորտին մարդկանց հետ, բայց այս պարագային տեղեկատւութիւնը կը կատարուէր դէպի դուրս, դէպի անձերու, որոնք տեղեկատուական  ոլորտի մէջ չեն իրենց ուղղակի առօրեայ աշխատանքներուն մէջ , մեր մէջ ունէինք տարբեր բնագաւառներու մէջ գործող մարդիկ՝  գիտական, գրական, արուեստի մարդիկ, որոնք կրնային ՏՏ ոլորտի մասին խօսիլ, արտայայտուիլ  և օգտուիլ»:

Երվանդ Զօրեան յայտնեց,  որ IEEE կազմակերպութիւնը առաջին անգամ ըլլալով իր ներկայութիւնը բերաւ Հայաստանի մէջ ՝ նպատակ ունենալով տեղեկացնել  Հայաստանի   մեր ունեցածները    և՛ տեղացիին, և՛ դուրսէն եկողին  և կապեր ստեղծել: Նպատակը ցանցի մը ստեղծումն էր, երբ ներկայ էր 2500 անձ տարբեր երկիրներէ ժամանած մարդիկ տարբեր բնագաւառներէ:

«Ցանցի մը ստեղծումը,  որ կը կապէ բոլոր հայերը իրարու, իրենց տարբեր մասնագիտութիւններով, ամէն մէկը իր գիտելիքներով աշխարհի 10 միլիոն հայերը իրենց գտնուած անկիւններէն  գործակցելու , սա ոչ շահոյթաբեր է»:

Սոյն համագումարի արդիւնքներէն է  Hay Connect հարթակի ստեղծումը , նաև  Armenian Virtual Bridge  ծրագիրը , որ Հայաստանը կը դարձնէ բարձր արհեստագիտութեանց կեդրոն։

Այս բոլորէն ելլելով՝ կրնա՞նք ըսել, որ Հայաստան փոքր սիլիքոնեան հովիտ է տարածաշրջանին մէջ:

Երվանդ Զօրեան պատասխանեց, որ,  այո, կրնանք ըսել . «Հայաստան փոքր Սիլիքոնեան հովիտ է , քանի որ ունինք և գիտական միտքը, և ունինք ընկերութիւններ ստեղծելու միտքը, և ունինք նիւթական հատուցումները foundation գտնելու միջոցները: Քիչ մը, քիչ մը բոլորէն ունինք», -ըսաւ տոքթ. Զօրեան:

Մեր հիւրը շնորհակալութեամբ անրադարձաւ կրթութեան գիտութեան նախարարութեան կազմակերպած ցուցահանդէսին , որուն մէջ Հայակական վիրթուալ համալսարանն ալ ունէր իր բաժինը:

Ցուցադրել ավելի
Back to top button
Close