Գլոբալ մրցունակության վարկանիշում Հայաստանը 141 երկրների շարքում զբաղեցրել է 69-րդ հորիզոնականը:
2019 թվականին Հայաստանը մեկ կետով բարելավել է դիրքերը, դա համարվում է լավ ցուցանիշ:
Եվրասիական տարածաշրջանում Հայաստանը զիջում է Ռուսաստանին (43) , Ղազախստանին (55) և Ադրբեջանին (58), բայց առաջ է Վրաստանից (74), Ուկրաինայից (85), Մոլդովայից (86), Ղրղզստանից (96) և Տաջիկստանից (104):
Մրցունակության վարկանշային աղյուսակում առաջին տեղը զբաղեցրել է Սինգապուրը: Երկրորդ տեղում ԱՄՆ-ն է, հետո Հոնկոնգը: Լավագույն եռյակին հաջորդում են Նիդերլանդները, Շվեյցարիան, Ճապոնիան, Գերմանիան, Շվեդիան, Մեծ Բրիտանիան և Դանիան: