ԿարևորՄիջազգային

Քիմիայի ոլորտում Նոբելյան մրցանակ է շնորհվել լիթիում-իոնային մարտկոցների մշակման համար

Քիմիայի բնագավառում Նոբելյան մրցանակը շնորհվել է ամերիկացիներ Ջոն.Բ. Գուդենաֆին, Մ.ՍթենլիՈւիթինգեմին և ճապոնացի Ակիրա Յոշինոյին լիթիում-իոնային մարտկոցների մշակման և կատարելագործման համար:

Նոբելյան կոմիտեն նշել է, որ լիթիում-իոնային մարտկոցներն օգտագործվում են բոլոր սարքերում՝ սմարթֆոններից մինչև նոութբուքեր և էլեկտրամոբիլներ: Բացի այդ, մարտկոցներն ունակ են էներգիա կուտակել արևից և քամուց, ինչը թույլ է տալիս չօգտագործել հանածո վառելիք, գրում է «Վեդոմոստին»:

Լիթիում-իոնային մարտկոցների մշակումը սկսվել է 1970-ականների նավթային ճգնաժամի շրջանում: Ուիթինգեմը սկսել է մշակել այն մեթոդները, որոնք թույլ կտային էներգիա ստանալ առանց հանածո վառելիքի օգտագործման: Հետագայում նրա կատարած աշխատանքը կատարելագործել է Գուդենաֆը և, վերջապես, Յոշինոն ստեղծել է առաջին կենսունակ մարտկոցը, որի անոդը պոլիացետիլենից է: Արդյունքում ստացվել է թեթև մարտկոց, որը կարելի է բազմիցս լիցքավորել:

Ցուցադրել ավելի
Back to top button
Close