Եվրոպա լիգայի խմբային փուլի 2-րդ տուրում «Դյուդելանժն» ընդունել է ադրբեջանական «Քարաբաղին»: Հանդիպման ընթացքում FAF-ի կազմակերպած ակցիայի պատճառով խաղն ընդհատվել է:
Երկրորդ խաղակեսի սկզբում դրոնով ստադիոն է իջեցվել Արցախի դրոշը, ինչն առաջացրել է ադրբեջանական թիմի անձնակազմի և երկրպագուների զայրույթը: Մրցավարը ստիպված է եղել ընդհատել հանդիպումը:
Ֆաֆականները ֆեյսբուքյան պաշտոնական էջում գրել են. «ՖԱՖ-ի և Բելգիայի մեր տղերքի կողմից հերթական ակցիան է նախապատրաստվել ադրբեջանական «Քարաբախ»-ի խաղին: Խորհուրդ ենք տալիս հետևել խաղի ընթացքին»:
FAF ֆան շարժումը` Առաջին Հայկական Ճակատը, ստեղծվել է 2007 թվականին։ Նպատակն է ակտիվ աջակցել Հայաստանի ազգային և երիտասարդական հավաքականներին տնային և արտագնա հանդիպումների ժամանակ և նպաստել հայկական ֆուտբոլի զարգացմանը։