Հասմիկ Դիլանյան
«Ռադիոլուր»
Այսօր Հանրապետության հրապարակում առաջին անգամ արհեստական բանականության գեներացված երաժշտության փորձն էր։ Աշխարհի ավելի քան 14 երկրներից Հայաստան ժամանած երաժիշտները նախապատրաստվում են հոկտեմբերի 6-ին նախատեսված համերգին։
Հենց նրանք են ազդարարելու WCIT- 2019՝ ՏՏ համաշխարհային կոնգրեսի մեկնարկը: Համաժողովին հրավիրված հյուրերը շատ են:
Հանրապետության հրապարակում կիրակի կայանալիք համերգի վերջնական փորձն է: Հատուկ միջոցառման համար Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանի նախաձեռնությամբ ստեղծվել է WCIT համաշխարհային նվագախումբը:
Երաժիշտների առաջ նոտակալների վրա այփադներ են։ Երաժշտությունը գրվում է նույն պահին, կոմպոզիտորը՝ արհեստական բանականությունն է։ Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանի նախաձեռնութունն է սա.
«14 երկրներ ներկայացնող 75 արտասահմանցի և 30 հայ երաժիշտների մասնակցությամբ: Նախ նվագախմբին ղեկավարում է Սերգեյ Սմբատյանը, երաժիշտներն էլ նոտաների օգնությամբ են նվագում»:
Կանադա, Նիդերլանդներ, Մալայզիա, ԱՄՆ, Հունաստան, Թայվան, Իսպանիա, Ճապոնիա, Ֆրանսիա, Դանիա, Մեքսիկա, Բրազիլիա, Ավստրալիա, Հնդկաստան: Այս երկրները ներկայացնող երաժիշտներից եւ ոչ մեկը հայերեն չի խոսում, բայց բոլորը խոսում են երաժշտության լեզվով:
Եսայանի խոսքով, առանձին մասնագետներ են աշխատել, որպեսզի հոկտեմբերի 6- ին լսենք, թե ինչ ստեղծագործություն է գրելու արհեստական բանականությունը։ Հենց այդ օրը՝ ժամը 20-ին WCIT համաժողովի մեկնարկը կազդարարվի Հանրապետության հրապարակում:
