ԿարևորՀասարակություն

Արարատում վթարի հետևանքով զոհվել է 6, վիրավորվել 12 մարդ

Երեւան-Երասխ ճանապարհին այսօր տեղի ունեցած ողբերգական ավտովթարի հետևանքով 12 մարդ է վիրավորել, որից 4-ը Արարատի ԲԿ-ում բուժօգնություն են ստացել ու գնացել են տուն՝ լրատվամիջոցներին հայտնել է առողջապահության նախարար Արսեն Թորոսյանը:

Նրա խոսքով, Արարատի ԲԿ-ում այժմ մնացել է մի երեխա և մի 42-ամյա տղամարդ, որոնց վիճակը գնահատվում է միջին ծանրության, նրանց կյանքին վտանգ չի սպառնում։

«Եվս մեկ պացիենտ գտնվում է «Էրեբունի» ԲԿ-ի նյարդաբուժական բաժանմունքում, մեկ երեխա գտնվում է «Սուրբ Աստվածամայր» ԲԿ-ում՝ ձեռքի կոտրվածքով, 4 պացիենտ գտնվում են Այրվածքաբանության կենտրոնում, որից մեկը տեղափոխվում է «Արմենիա» ԲԿ, որովհետեւ բուն այրվածքային խնդիրն այնքան ծանր չէ, որքան մյուս խնդիրները: Այսինքն՝ քրոնիկ հիվանդանություններ, կոտրվածքներ ունի, դրա համար տեղափոխում ենք բազմապրոֆիլ ԲԿ»,- նշել է նախարարը։

Այրվածքաբանության կենտրոնում գտնվող 3 տուժածներից մեկի վիճակը ծայրահեղ ծանր է, բժիկները պայքարում են նրա կյանքի համար, մյուսինը՝ ծանր, երրորդինը՝ մինջին ծանրության: «Ամեն ինչ արվում է, հուսով եմ, որ կունենանք դրական արդյունքներ»,- ասել է Արսեն Թորոսյանը:

Արարատի մարզում այսօր դաժան ու ողբերգական ավտովթար-հրդեհ է տեղի ունեցել. ժամը 15։20-ի սահմաններում Երևան-Մեղրի ավտոճանապարհի, ժողովրդին հայտնի՝ Արարատի Զոդի կարմրջի վրա բախվել են Toyota մակնիշի 096 FF 96 համարանիշի, ВАЗ 2106 մակնիշի 35 LQ 998 համարանիշի և մարդատար «Գազել» մակնիշի ավտոմեքենաները։

Բախման հետևանքով «Գազել»-ում հրդեհ է բռնկվել, և այն վերածվել է մոխրակույտի։

Դեպքի վայր են ժամանել ԱԻՆ փրկարար ծառայության Արարատի հրշեջ փրկարար ջոկատը 1 մարտական հաշվարկով, որոնք քաղաքացիների օգնությամբ մարել են «Գազել»-ում առաջացած հրդեհը, և այնտեղ հայտնաբերել են մոխրացած դիեր։ Վերջին տվյալներով զոհվել է 6, վիրավորվել 12 մարդ:

Ցուցադրել ավելի
Back to top button