Ազգային ժողովի պետաիրավական հարցերի մշտական հանձնաժողովն այսօր հավանություն է տվել Ընտրական օրենսգրքի փոփոխությունների նախագծին:
Հանձնաժողովի նախագահ Գևորգ Կոստանյանը հենց սկզբից գործընկերեներին հորդորել է՝ հարցը քննարկել ոչ թե քաղաքական, այլ իրավական հիմնավորումների հարթությունում:
Քննարկումն այդ տրամաբանությամբ էլ ընթացել է. մինչ խորհրդարանական ուժերը հայտարարում են, թե վերջնական որոշումներ դեռ չունեն, փաթեթը հանձնաժողովում դրական եզարակցություն է ստացել միաձայն քվեարկությամբ:
Ընտրական օրենսգրքի փոփոխությունների նախագծով առաջարկվում է ամրագրել՝ խորհրդարանում պետք է ներկայացված լինի առնվազն 4 քաղաքական ուժ: Ինչ է տեղի ունենում, երբ տեսականորեն 4-րդ ուժը չի մասնակցում ընտրություններին, ԱԺ ընտրությունները կայանո՞ւմ են, թե՞ ոչ:
«Ծառուկյան» խմբակցության պատգամավոր Գևորգ Պետորսյանի նկարագրած այս սցենարը արդարադարադատության նախարար Արտակ Զեյնալյանն անհավանական է համարում, բայց նաև ընդունում է, որ այդ տարբերակը նախագծում չեն նախատեսել:
«Այս պահին գործնական նշանակություն դա այս ընտրություններին չունի, քանի որ տեսանք ավագանու ընտրություններին ինչպեսի ակտիվություն եղավ՝ պայմանավորված իրավիճակով: Կարող ենք քննարկել, թե արդյոք այդ տեսական լուծումը տանք այս փոփոխություններում, եթե գտնենք, որ այն ոչ միայն տեսական, այլ գործնական նշանակություն ունի»:
Այն տարբերակը, որ խորհրդարանանական ընտրություններին կարող է 4-ից պակաս ուժ մասնակցել, գուցե քիչ հավանական է, բայց անհավանական էլ չէ: Քաղաքական ուժերը, ըստ պետաիրավական հարցերի մշտական հանձնաժողովի նախագահ Գևորգ Կոստանյանի, կարող են, օրինակ. բոյկոտել ընտրությունները:
«Հիմա նույն կերպ կարող եք ասել, որ դա խելագարության կանխավարկածի տեսանկյունից կարող ենք դիտել, բայց եթե ղեկավարվում եք հավանականության տեսությամբ, դա էլ ղեկավարվեք հավանականության տեսանկյունից»:
Կառավարությունը որևէ փոփոխություն չի արել քաղաքական համասնություններին վերաբերող դրույթներում: Ուժի մեջ է մնացել խորհրդարանում կայուն մեծասնություն ունենալու պահանջը՝ այն համարժեք է մանդատների 54 տոկոսին: Հեղինակներն ասում են, սա Սահմանադրությունում ամրագրված նորմ է և ստիպված պահպանել են նաև օրենսգրքում:
Ընդդիմության համար կրկին երաշխավորվում է առնվազն 1/3 ներկայացվածություն ունենալը: Արադարադատության նախարարան ասում է՝ վերապահումներ ունեցել են , բայց փոփոխություններ չեն արել:
Այս դրույթները ամրագրված են նաև գործող Ընտրական օրենսգրքում, դրանք կիրառվել են նախորդ ընտրությունների ժամանակ, բայց դրանց հնարավոր վտանգները Գևորգ Կոստանյանի համար հատկապես հիմա են տեսանելի:
Արդարադատության նախարարը առարկություն ուներ, հանձնաժողովի նախագահը՝ պատասխան առարկություն: Ընդհանրապես, Զեյնալյան-Կոստանյան բանավեճն այսօր հանձնաժողովի նիստում լարված էր ընթանում:
ԸՕ-ի շուրջ այսօր քննարկում է եղել նաև Վենետիկի հանձնաժողովում: Կառույցի ներկայացուցիչների հետ նախագիծը քննարկելու են գնացել փոխվարչապետ Արարատ Միրզոյանն ու ԸՕ բարեփոխման կառավարական հանձնաժողովի քարտուղար Դանիել Իոաննիսյանը:
Վերջինը Վենետիկից լավ լուրեր է խոստանում: Դրանց մմսին քիչ անց կառավարությունը հաղորդագրություն կտարածի՝ քիչ առաջ ֆեյսբուքի իր էջում գրել է Իոաննիսյանը:
Հիմնական խնդիրը ոչ այնքան բովանդակությունն է, որքան ժամկետները: Վենետիկի հանձնաժողովը սովորաբար առաջանրոդվում է այն սկզբուքնով, որ ԸՕ փոփոխությունից հետո քաղաքական ուժերն առնվազն 6 ամիս ժամանակ պետք է ունենան խաղի նոր կանոններին հարմարվելու համար: