ԿարևորՀասարակություն

Այսօր Թումո-Փարիզի պաշտոնական բացումն է

Անի Զեյթունցյան
«Ռադիոլուր» — Ռադիոլուր

Հոկտեբեր 16-ին Թումօ-Փարիզի պաշտօնական բացումն է, մինչ կեդրոնը Փարիզի մէջ արդէն մօտ, մէկ ամիսէ բացած է իր դռները հարիւրաւոր աշակերտներու առաջ:

Ստեղծարար և արդի արհեստագիտութեան  կեդրոնը Թումօն՝ արդէն Երևանի սահմաններէն դուրս կու գայ և կը դառնայ միջազգային անուն:

կը գտնուիմ Թումօ Երևանի կեդրոնը և կը զրուցեմ կեդրոնի տնօրէն՝ Մարի լու Փափազեանին հետ, որն յաջորդ օրն իսկ կը մեկնի Փարիզ ներկայ գտնուելու պաշտօնական բացման արարողութեան: Այն հարցումիս թէ ինչով կը տարբերի Փարիզի թումօն Հայաստանի թումոյէն:

Փարիզի Թումօն մեր գործընկերն է ,նախաձեռնողը այնտեղի քաղաքապետարանն է :Փարիզի քաղաքապետ՝ Անն Հիտալկօն, իր Հայաստան այցելութենէն ետք որոշեց բանալ նոյն կեդրոնը ֆրանսայի մէջ նեռարելով հայ թէ ֆրանսացի ուսանողները:Այնտեղ ուսուցանող լեզուն ֆրանսերէնն է:Իսկ Նոյեմբեր 21-ին Պէյրութի մէջ պիտի բացուի Թումօ  Լիբանանը:Հոն ուսուցումը պիտի ըլլայ արևմտահայերէնով:

Տիկին Մարի Լուն յայտնեց թէ երևանի թումօն ևս ունի արևմտահայերէնի ծրագիր.ընտրութիւն տալով աշակերտին որոշելու արևելահայերէն թէ արևմտահայերէն տարբերակը:

Թումօ-ի Հիմնադիրը Ամերիկայէն՝ ՀԲԸՄ-ի փոխ տնօրէն Սամ Սիմոնեանն  Է,ան առաջին քայլը առաւ Երևանի մէջ, ապա բացուեցաւ Դիլիճանի, Կիւմրիի, Ստեփանակերտի, Կողբի և Մասիս քաղաքներուն մէջ թումօ-ի կեդրոններ :Հիմնական ներդրումը ընողը Հայկական Բարեգերծական Ընդհանուր Միութիւնն է:

ՀԲԸ Միութեան  կեդրոնական ժողովի անդամ և Հայաստանի Բարեգործականի նախագահ՝ Վազգէն Եագուպեան, յայտնեց թէ տիեզերքի դրութեամբ Թումօն կրնայ ցանցի վերածուիլ:

Իսկ թէ ովքեր կը հոգան ծախսերը սոյն մեծածախս կեդրոններուն Վազգէն Եագուպեանը պատասխանեց:

«Փարիզ Թումոյի ծախսերը Փարիզի քաղաքապետարանն է հոգալու»

Միութիւնը իր հիմնական ներդրումները կը տրամադրէ կրթութեան ոլորտին, նպաստելով հազարաւոր աշակերտներու անվճար ուսուցման:

Սա է յաջողութեան պատմութիւնը Թումօ Ստեղծարար և Արհեստագիտական Կեդրոնի ,որ այսօր կը ծլարձակէ իր ճիւղերը թէկուզ Հայաստանի սահմաններէն դուրս. Մարի Լու Փափազեան:

Back to top button