Արմենն Սարգսյանը տիկնոջ հետ Արցախում է
Լուսինե Ավանեսյան
«Ռադիոլուր»-Ստեփանակերտ
Հայաստանի Հանարպետության նախագահ Արմենն Սարգսյանը տիկնոջ հետ Արցախում է: Այսօր նա հանդիպել է Արցախի իր գործընկերոջ հետ: Արցախի եւ Հայաստանի հանրապետության նախագահների տիկնայք այսօր այլ օրակարգ ունեին:
Նունե Սարգսյանը Արցախի նախագահի տիկնոջ` Անահիտ Սահակյանի եւ կրթության, գիտության եւ սպորտի նախարար Նարինե Աղաբալյանի ուղեկցությամբ եղել է Ստեփանակերտի առաջին եւ յոթերորդ հանրակրթական դպրոցներում եւ «Սոսե» մանկապարտեզում:
Նունե Սարգսյանը հանրակրթարանների նախադպրոցական դասարանների աշակերտներին է նվիրել արցախյան բարբառով հրատարակված հեքիաթները:
Հեքիաթների արցախյան բարբառով վերարտադրելու գործը սկսվել էր դեռեւս երեք տարի առաջ Արցախի մշակույթի, երիտասարդության եւ սպորտի նախկին նախարար Նարինե Աղաբալյանի առաջարկով:
Այսօր Ստեփանակերտի Սոսե մանկապարտեզում հեղինակը փոքրիկների հետ դիտեց իր «Քաչալ ոզնին» հեքիաթի արցախյան բեմականացումը, որը ներկայացրեց Ստեփանակերտի մանկապատանեկան ստեղծագործական կենտրոնի թատերական ստուդիան ԱՀ ժողովրդական արտիստ Քաջիկ Հարությունյանի ղեկավարությամբ: