Ալավերդու պղնձաձուլարանի փակման լուրը անհանգստացրել է ալավերդցիներին
Ալավերդու պղնձաձուլարանը պետք է շարունակի աշխատել` կարծում են գործարանի աշխատակիցները: Այսօր Ալավերդիում քննարկում է կազմակերպվել, որի մանրամասները «Ռադիլուրին» է փոխանցել «SOS Ալավերդի» նախաձեռնության անդամ Օլեգ Դուլգարյանը:
Նա տեղեկացրել է, որ երկուշաբթի «Վալլեքս Գրուպ» ընկերության սեփականատեր Վալերի Մեջլումյանը փոխվարչապետ Տիգրան Ավինյանի հետ կքննարկի գործարանի հետագա ճակատագիրը: Մինչ այդ, աշխատակիցներին խնդրելու են հետաձգել բողոքի ակցիաները:
Մինչև հոկտեմբերի 10-ը ալավերդցիների համար պղնձաձուլարանի աշխատանքների դադարեցումը խոսակցությունների մակարդակի վրա էր: Երեկ ACP ընկերության տնօրեն Լուսինե Մեջլումյանը «Ռադիոլուրի» հետ զրույցում հաստատեց լուրերը:
Օրերս, երբ մենք Ալավերդիում էինք, «SOS Ալավերդի» նախաձեռնության անդամ Օլեգ Դուլգարյանը փոխանցեց ՝ իրենց նկատմամբ հոգեբանական հակաքարոզչություն է տարվում, թե իբր իրենք ցանկանում են գործարանը փակել:
Այսօր Ալավերդիում քննարկվում էր իրավիճակը։
«Ռադիոլուրին» Դուլգարյանը փոխանցեց, որ քննարկմանը մասնակցում էին Լոռու փոխմարզպետ Արամ խաչատրյանը, Ալավերդու քաղաքապետ Սասուն Խեչումյանը, Ալավերդու պձղնաձուլարանի տնօրինությունն ու աշխատակիցները: Քննարկման առանցքում հարցն էր, թե ինչպես անեն, որ գործարանը շարունակի աշխատել: Գործարանի տնօրինությունը առաջարկությունների փաթեթ է ներկայացրել՝ ասաց «Ռադիոլուրի» զրուցակիցը:
SOS Ալավերդի նախաձեռնության անդամ Օլեգ Դուլգարյանը կարծում է, որ հիմնական խնդիրը հենց VTB բանկի հետ է կապված:
Գործարանի աշխատանքները կասեցվում են, չի բացառվում, որ աշխատակիցներին ազատման թերթիկներ ուղարկվեն:
Եվ այս դեպքում 620 մարդ կմնա առանց աշխատանքի: Հենց նրանք են իրենց աշխատատեղերի համար պայքարում: «Ռադիոլուրի» զրուցակցի խոսքով, երկուշաբթի «Վալեքս գրուպ» ընկերության սեփականատեր Վալերի Մեջլումյանը կհանդիպի փոխվարչապետ Տիգրան Ավինյանի հետ։ Մինչ այդ՝ նրանք գործարանի աշխատակիցներին խնդրել են ակցիաներ չկազմակերպել:
«SOS Ալավերդի» խմբի անդամ Վազգեն Մելքոնյանը կարծում է, որ եթե անգամ գործարանը փակվի, Ալավերդիում զբոսաշրջությունը կզարգանա: Նրան խնդրում եմ կոնկրետ թվերով հաշվարկներ ներկայացնել, թե քանի հյուրատուն կկառուցվի ու որքան եկամուտ կստանան տեղացիները:
Զրուցակիցս վստահեցնում է՝ մինչ այս պահը ներդրողները չէին գալիս ու այստեղ ներդրումներ չէին անում:
Մելքոնյանը վստահ է՝ երկու տարի հետո տուրիզմն այստեղ կզարգանա, միայն թե պարզ չէ, մինչ այդ 620 ընտանիք ինչպես է ապրելու: