Հայաստան ցորեն տեղափոխող ավտոմեքենաներին առավելություն պետք է տրվի․ Վրաստանի նախկին փոխվարչապետ
Հայկական կողմի բանակցությունների և Թբիլիսիում սկիզբ առած բողոքի ակցիաների արդյունքում Վրաստանի Ֆինանսների նախարարությունը մինչեւ տարեվերջ հետաձգել է ցորեն տեղափոխելու ավտոճանապարհային արգելքը։
Վրաստանում Հայաստանի դեսպանատնից «Ռադիոլուր»-ին փոխանցել են, որ հայկական կողմը բանակցում է հարցի շուրջ՝ հույս ունենալով, որ ընդունելի տարբերակ կընդունվի։
Իսկ Վրաստանում փորձագետները՝ հաշվի առնելով առաջ եկող խնդիրները, վստահ են, որ որոշումը մինչ այդ կչեղարկվի․ «Թբիլիսին չպետք է լարվածություն ստեղծի հայ-վրացական հարաբերություններում»։
Եվ Թբիլիսիում մեր թղթակիցը քիչ առաջ հայտնեց, որ ֆինանսների նախարարությունը որոշել է ավտոճանապարհներով ցորենի տեղափոխման արգելքը հետաձգել մեկ տարով։ Նման որոշում ընդունվել է բողոքի մասնակիցներից մեկի՝ ինքնահրկիզման սպառնալիքից հետո։ Նախարարության որոշման մասին ցուցարարներին հայտնել է հենց բողոքի մասնակից Ջանո Ամկղոլաձեն:
