Տնտեսական

Լիբանանեան պատուիրակութիւնը մեծապէս հետաքրքրուած է Հայաստանի մէջ ներդրումներ կատարելու

Անի Զէյթունցեան
«Ռատիօլուր». արեւմտահայերէն

Օրերս Հայաստան  ժամանած էին  լիբանանեան պատուիրակութիւնը, որուն մաս կը կազմէին գործարարներ, պետական մարմիններու ներկայացուցիչներ, քաղաքապետներ: Այցելութիւնը  կազմակերպուած էր Պիզնես Արմենիայի եւ լիբանանեան «Կարտենիա Կրէյն Տոր» ընկերութեան համագործակցութեամբ` Հայաստանի գործարար եւ ներդրումային միջավայրի ներկայացման, փոխադարձ գործակցութեան կարելիութիւններու  քննարկման նպատակով:

 

«Էլիտ բլազա» կեդրոնին մեջ հանդիպեցայ լիբանանեան գործարարներու պատուիրակության հետ: Անոնք մեծապէս հետաքրքրուած են Հայաստանի մեջ ներդրումներ կատարելու: Արդէն քայլեր ձեռնարկած, են եւ շուտով ետ կը վերադառնան Հայաստան: Միշէլ Սայեղ յայտնեց, թէ իրենք օտար չեն զգար այստեղ: Ան տպաւորուած էր նախագահ Արմէն Սարգիսեանին հետ հանդիպումէն։ Մեր դիմաց բաց դռներ են այստեղ՝ պիզնես հիմնելու համար:

Իսկ զրուցակիս՝ Չարլզ Աբու Հարպ ըսաւ. «Ես տարբեր երկիրներ շրջելով նկատած եմ, թե Հայաստանը զարգացող երկիր է եւ լաւ ենթահող է մեզի համար: Հայաստանը բաղդատելով Լիբանանի եւ Տուպայի հետ, այստեղ աւելի աժան է: Մենք կ՛ուսումնասիրենք ներդրումներու ոլորտը հիմնականին մէջ, գյուղատնտեսութեան եւ անասնապահութեան ոլորտին մէջ»:

Միջին Արեւելքի մէջ չիփսի արտադրութեան առաջատար «Տահեր կրուփ» ընկերութեան ներկայացուցիչը նշեց, որ իրենք հետաքրքրուած են Հայաստանի մէջ գետնախնձորի մշակութեան եւ չիփսի գործարան հիմնելու հարցով՝ նպատակ ունենալով պատրաստ արտադրանք արտահանելով դէպի Ռուսիա եւ Եվրասիական տնտեսական միութեան այլ երկիրներ:

Տոկթոր Միշէլ Աֆրամ տնօրէնն է Լիբանանի բուսաբանական գիտահետազօտական կեդրոնին: «Մենք հետաքրքրուած ենք գինեգործության ոլորտով: Աւելին՝ տարրալուծարաններու հարցով: Մենք ունինք շատ զարգացած միջոցներ /տոքնոլոճի/, ինչպէս՝ խաղողի հիւանդությունները հետազօտող գործարք բերելու Հայաստան եւ գինեգործության արտադրությունը համալրել Հայաստանի մէջ նոր տարրալուծարաններով: Մենք ունինք տարրալուծարան, որ կը քննէ գինին: Ան քաջալերեց հողագործութեան ոլորտը»:

Տանի Ճատըօն, որը արդիւնաբերութեան նախարարութեան ներկայացուցիչն է, նշեց, որ իրենք ունին աջակցութիւն Հայաստանի կառավարութեան կողմէ՝ խոչընդոտները հարթելու եւ դիւրացնելու գործարքը:

Ան ըսաւ, թէ Հայաստանը յարմար ենթահող է հողագործութեան եւ շինարարութեան համար:

Միշէլ Սայէղ յայտնեց, թէ ան նպատակայարմար կը գտնէ Հայաստանի մէջ հիմնելու բլաստիքի եւ ստուարաթուղթի գործարան մը: Իր կարծիքով՝ Հայաստանը ունի ստեղծարար մարդոյժ, յարմար ենթահող, նաեւ՝ յարմար գիներով հողամասեր:

Անոնցմէ մի քանին արդէն որոշում կայացուցած է Հայաստանի մեջ հողատարածք գնելու, արդ՝ ինչպէս նախօրէին, Այնճարի նահանգապետը արդէն գնած է հողատարածք Երեւանի մէջ: Անոնք նշեցին, որ հայերը եղբայր ժողովուրդ են: Այսքան տարի հայկական գաղութը համերաշխութեամբ կ՛ապրի Լիբանանի մէջ:

«Մենք այստեղ մենք մեզ հարազատ կը զգանք: հիացած ենք Հայաստանի ժողովուրդին հիւրասիրութեամբ եւ ջերմութեամբ»:

Լիբանանի գործարարներու պատուիրակութիւնը դեռ չմեկնած Հայաստանէն, խոստացաւ, թե շուտով ետ պիտի վերադառնան Հայաստան: Անոնք յուշանուէրներով եւ լաւ տպաւորութեամբ բաժնուեցան Երեւանէն:

Ցուցադրել ավելի
Back to top button