Շիրակի մարզի ամենափոքր քաղաքում՝ Մարալիկում, 2018-ից իր կազմում նաև 16 գյուղ միավորող Անի խոշորացված համայնքի կենտրոնում մի քանի օր է բողոքի ցույցերը չեն դադարում, 15 տարի անփոփոխ քաղաքապետ, այժմ էլ՝ խոշորացված համայնքի ղեկավար Արտակ Գևորգյանի հրաժարականն են պահանջում։
Ցուցարարները պնդում են, որ փողոցներ կփակեն ու չեն դադարեցնի ցույցերը, մինչև հասնեն ցանկալի հրաժարականին և նոր, թափանցիկ ընտրություններ անցկացնեն։
Համայնքապետ Արտակ Գևորգյանն էլ ասում է “Չի լինելու հրաժարական, ոչ մի դեպքում”:
