Քաղաքական ո՞ր ուժերն են մասնակցելու ավագանու առաջիկա ընտրություններին
Այսօր արդեն պարզ դարձավ, որ Երևանի ավագանու ընտրություններին «Ելք» խմբակցության ցուցակը գլխավորելու է Արդարադատության նախարար Արտակ Զեյնալյանը: Նախարարն այդ մասին պաշտոնապես հայտարարեց լրագրողների հետ հանդիպման ժամանակ:
Զեյնալյանն առայժմ ծրագրային դրութներից չի խոսում, բայց հավաստիացնում է, որ ՀՀ –ը նրանք դարձնելու են իրավական ու ժողովրդավարական երկիր:
Երևանի քաղաքապետի պաշտոնին հավակնում է նաև «Ծառուկյան» խմբակցության պատգամավոր ՀՀՇ վարչության նախագահ Արարատ Զուրաբյանը:
Ասում է, որ վեց տարի ղեկավարել է Կենտրոն համայնքը ու հստակ գիտի երևանցիների խնդիրները: Եվ ընտրություններին մասնակցում է հաղթելու համար: Ավելին նշում է, որ այս ընտրություններին պետք է հաղթի բանականությունը: Զուրաբյանն ասում է, որ Երևանի քաղաքապետ պետք է դառնա այն անձը, ով սիրում է քաղաքը, ով կարոտում է անգամ այն ժամանակ, երբ Սևանում է գտնվում:
Պատգամավորը չի առանձնացնում, թե քաղաքային որ խնդիրն է առաջնային լուծում պահանջում: Ասում է, որ նման բան կարող են ասել այն անձինք, ովքեր չեն պատկերացնում քաղաքային տնտեսությունը:
Երևանի ավագանու ընտրությունների մասնակցության հայտ է ներկայացրել նաև «Երևանի հանրություն» նախաձեռնությունը: Ցուցակն էլ գլխավորելու է ճարտարապետ Անահիտ Թարխանյանը:
Անահիտ Թարխանյանը նշում է, որ այսօր կանաչապատ տարածքները շատ քիչ են մնացել Երևան քաղաքում:
Նշենք,որ Երևանի ավագանու ընտրությունները տեղի կունենան սեպտեմբերի 23 ին: