Ամառը՝ առանց ոռոգման ջրի. Խարբերդում խնդիրը դեռ արդիական է
Խարբերդի ամառանոցային թաղամասի ոռոգման ջրի խնդիրը շարունակում է Ռադիոլուրի ուշադրության կենտրոնում մնալ:
Բնակիչներն ահազանգում են՝ ամառը մոտենում է ավարտին, սակայն, իրենց այգիներն այդպես էլ ոռոգման ջուր չեն տեսել:
«Տափաստան այգու փոխարեն» ,- Ռադիոլուրին ահազանգած Արմեն Խաչատրյանն այսպես է բնորոշում սեփական այգու վիճակը: Զրուցակիցներս Խարբերդի 16,18, 20 տների բանկիչներն են:
Ոռոգման ջրի սեզոնն ավարտվում է, սակայն, նորմալ ջուր այս թաղամասում չենք ունեցել,- ասում է Ռադիոլուրի մյուս զրուցակիցը՝ Խարբերդի ամառանոցային թաղամասի 20-րդ փողոցի երրորդ նրբանցքի բնակիչներից Հարություն Մանուկյանը:
Բնակիչները պնդում են՝ «Երևան ՋՕ»-ի հետ պայմանագրեր կամ՝ չունեն, կամ՝ դրանք չեն թարմացվել:
Երևան ՋՕ ընկերության տնօրեն Մերուժան Ասատրյանը վստահեցնում է՝ պայմանագրեր կնքվում են, անհրաժեշտության դեպքում ՝ նաև թարմացվում:
ՋՕ ընկերությունում կրկին խոստանում են՝ բնակիչները ջուր կունենան, միայն թե խոստացված ջուրն այդպես էլ բնակիչներին չի հասնում: