Իջևանի քանդակների այգում այսօր «Տավուշի մարզի ինտեգրված և հավասարակշռված տնտեսական զարգացում» ծրագրի շրջանակներում տավուշցին վաճառում էր իր բերքն ու բարիքը, գյուղմթերքը:
Տաղավարներից մեկում աշխատանքի տոնավաճառ էր՝ Տավուշում աշխատանք տավուշցու համար:
Իջևանի քանդակների այգում առավոտվանից անսովոր աշխուժություն է: 50-ից ավելի տաղավարներ կողք կողքի են՝ վաճառքի ամենատարբեր առաջարկներով:
Տավուշի մարզի բերքն ու բարիքը առաջին ձեռքից՝ գնորդին: Տաղավարներին մոտենում եմ ըստ իմ ճաշակի, բայց ընտրությունն այնքան մեծ է, որ կբավարարի բոլորին:
Այգու մոտավորապես մեկ կիլոմետրը զբաղեցնում են տոնավաճառի տաղավարները, ամենավերջում աշխատանքի տաղավարն է. տաղավարում տավուշցիները գուցե և հենց այսօր գտնեն իրենց հարմար աշխատանք:
Դեռ վաղ առավոտից հենց այս տաղավարի մոտ է անցուդարձը մեծ:
Անահիտ Ալիխանյանը տաղավարի պատասխանատու-խորհրդատուն է, փորձում է օգնել աշխատանք գտնել տավուշցիներին:
Աշխատանքի տոնավաճառը և ցուցահանդես-վաճառքը կազմակերպվել է «Տավուշի մարզի ինտեգրված և հավասարակշռված տնտեսական զարգացում» ծրագրի շրջանակներում:
Ծրագրի ղեկավար, տավուշցի Հասմիկ Ազիբեկյանն ասում է՝ ծրագիրը Տավուշ բերելու պատճառներից մեկն էլ իր՝ տավուշցի լինելն է:
Քանդակների այգուց տաղավարները չեն հավաքվի մինչև ուշ երեկո, կատակով ասում են՝ մինչև բոլորը լավ չհյուրասիրվեն, չուտեն-չխմեն ու աշխատանք չգտնեն, այգուց րեն գնա:
