Վարչապետ Նիկոլ Փաշինյանը երեկ ընդունել է «Հայաստան» համահայկական հիմնադրամի գործադիր տնօրենի ժամանակավոր պաշտոնակատար Պետրոս Թերզյանին:
Կառավարության ղեկավարը նշել է, որ իրադարձությունը, որը հանգեցրեց իրենց հանդիպմանը, այնքան էլ ուրախալի չէ՝ նկատի ունենալով վերջին բացահայտումները հիմնադրամում: Վարչապետը հույս է հայտնել, որ այս գործընթացների արդյունքում հնարավոր կլինի կոնկրետացնել պատկերացումը «Հայաստան» համահայկական հիմնադրամի հետագա անելիքների վերաբերյալ:
Իր հերթին, Պետրոս Թերզյանը նշել է, որ իրենց համար մեծ ցնցում էր այդ լուրը, որովհետև հիմնադրամի պատմության մեջ նման բան չի եղել և իրենք գործել են հաստատակամությամբ, որ այն մաքուր մարմին է:
Հիմնադրամի գործադիր տնօրենի ժամանակավոր պաշտոնակատարը վստահեցրել է, որ անելու են ամեն ինչ՝ նվիրատուների գումարներն իրենց նպատակներին հասցնելու համար:
