ՀՀ մշակույթի նախարար Լիլիթ Մակունցն այսօր այցելել է Հայաստանի հանրային ռադիո:
Նախարարը Հայաստանի Հանրային հեռուստառադիոընկերության խորհրդի նախագահ Ռուբեն Ջաղինյանի և Հայաստանի հանրային ռադիոյի գործադիր տնօրեն Մարկ Գրիգորյանի ուղեկցությամբ շրջել է Ռադիոտանը, ծանոթացել ձայնագրման նոր ստուդիայում իրականացվող վերանորոգման աշխատանքների ընթացքին:
Այցի ժամանակ քննարկվել են Մշակույթի նախարարություն — Հանրային ռադիո համագործակցության նոր հնարավորությունները:
