ՏԻՄ-երում գրանցված խախտումները կունենան իրավական հետևանքներ
Թավշյա հեղափոխությունից հետո համայնքներում սկիզբ առած բողոքի ակցիաները հիմնականում ուղղված էին համայնքների ղեկավարների անօրինական գործողություններին ու նրանց հրաժարականին: Տարբեր գյուղերում բարձրացված խնդիրներ անդրադարձել է Արմավիրի մարզպետարանը՝ աշխատանքային խմբերի միջոցով իրականացնելով իրավական և վարչական հսկողություն: Օրեր առաջ ռադիոլուրն անդրադարձել էր ՏԻՄ և Տեղեկատվության ազատության մասին օրենքների խախտումներին՝ ներկայացնելով ՀաՄաՏեղ ծրագրի շրջանակներում ժուռնալիստների ,,Ասպարեզ,, ակումբի մշտադիտարկման արդյունքները:
Համայնքների ղեկավարներն ու ավագանիները խախտել են ՏԻՄ օրենքի մի շարք հոդվածներ: Արմավիրի մարզպետարանի աշխատակազմի ղեկավարի տեղակալ Արամ Հովհաննիսյանը նշեց դրանցից մի քանիսը: Ավագանու նիստերին ավագանու անդամները մասնակցել են իրենց կամ իրենց հարազատներին դրամական աջակցություն ցուցաբերելու կամ գույքահարկի զիջման քվեարկությանը: Ավագանու անդամները բացակայել են ավագանու կեսից ավելի նիստերին, բայց շարունակում են իրենց լիազորությունները:
Խախտումներ կան քաղաքաշինության ու հողօգտագործման բնագավառներում: Համայնքներում չկան ավագանու նստավայրեր, հանձնաժողովներ, խորհրդակցական մարմիններ: Նալբանդյան համայնքի ղեկավար Գրիգոր Մկրտչյանն ասաց, որ այդօրինակ հանձնարարականներ չեն ստացել, եթե ստացած լիներին՝ կկատարեին:
Քարակերտ համայնքի ղեկավար Մհեր Հարթենյան նշեց, որ համայնքում կան տարբեր ոլորտներին առնչվող մի քանի հանձնաժողովներ:
ՏԻՄ օրենքի խախտումները ինչպիսի իրավական հետևանքներ ունեն՝ ռադիոլուրի հարցին, Արմավիրի մարզպետ Գագրկ Միրիջանյանը պատասխանեց, որ իրավաբանների ներկայացրած իրավախախտումների վերաբերյալ գրությունները կուղղվեն իրավապահ մարմիններին:
Օրերս ընդդեմ գյուղապետի անօրինականությունների իր բողոքի ձայնն էր բարձրացրել Լուսագյուղ համայնքի ղեկավարի նախկին տեղակալ Արամ Հարությունյանը՝ կարելով բերանը: Կառավարության շենքի դիմաց ն ա հացադուլ էր հայտարարել: Արմավիրի մարզպետ Գագիկ Միրիջանյանը նշեց, որ եղել է Լուսագյուղում, դիմել գյուղացիներին համայնքի ղեկավարի հետագա կառավարմանը դեմ լինելուն, միայն Արամ Հարությունյանն է դեմ եղել: Ըստ մարզպետիէ խնդիրը ներանձնային է:
Դալարիկում չարաշահումներ չեն եղել, բողոքներ չկան, հողատերերին համայնքի ղեկավարը պարտավորվել է վճարել:
Իսկ Արշալույսում կրքերն արդեն հանդարտվել են, համայնքի ղեկավար Զարզանդ Գիրիգորյանը ներկայում գտնվում է արձակուրդում, որից հետո օգոստոսի 14-ին իր դիմումի համաձայն կդադարեցնի համայնքի ղեկավարի լիազորությունները: