Վարդավառ. տոնի խորհուրդը
Այսօրվանից մեկնարկում են Վարդավառի միջոցառումները: Հայ առաքելական եկեղեցին պայծառակերպության կամ կամ ինչպես ընդունված է ասել Վարդավառի տոնը նշում է Սուրբ Զատիկից 98 օր հետո: Այն հինգ տաղավար տոներից մեկն է:
Արարատյան Հայրապետական թեմի երիտասարդաց միությունը և Երևանի քաղաքապետարանը այսօր ժամը 18-ին հրավիրում են մասնակցելու Վարդավառի նախատոնակի մեծ տոնախմբությանը:
Այսօր արդեն մայրաքաղաքի շատ բակերում երեխաները ոգևորված ջրում են իրար, վարդավառ են խաղում: Հայ առաքելական եղեկեցին նույնպես այսօրվանից է սկսում միջոցառումները: Տոնական երթը կմեկնարկի Առաջնորդանիստ Սուրբ Սարգիս եկեղեցուց, Երևանի մանկական զբոսայգում տեղի կունենա տոնը խորհրդանշող միջոցառում՝ ազգային երգ ու պարով: Այս տոնի արմատները հին են՝ ասում է ազգագրագետ Գոհար Ստեփանյանը, այն ջրի պաշտանմունքի հետ էր կապված:
«Նշանավորում էր արևի բարձր կետի նշումը, ինչից հետո արևը հետ է գնում»:
Ընդունված էին նաև հրավառությունները: Բնույթով կառնավալային այս տոնակատարությունն, ըստ ազգագրագետի, պահպանվել է՝ բացառությամբ խարույկահանդեսների: Հնում տոնը ենթադրում էր նաև հյուրասիրություն.
«Շատ մատաղներ էին անում: Տավուշում նազուկն են պատրաստոմ , այն քաղցրավենիք է»:
Վարդավառին շատ ընդունված էին ու այսօր էլ ընդունված են նշանադրությունները, ամուսնություններն ու ուխտագնացությունները:
Հայ առաքելական եկեղեցին պայծառակերպության կամ Քրիստոսի այլակերպության, կամ ինչպես ընդունված է ասել Վարդավառի տոնը նշում է Սուրբ Զատիկից 98 օր հետո: Այն հինգ տաղավար տոներից մեկն է և խորհրդանշում է Քրիստոսի՝ որպես Աստված իր աշակերտներին հայտնվելը, բացատրում է Տաճատ ավագ քահանա Դավիդյանը:
Պատմությունը հետևյալն է. Հիսուս իր երեք աշակերտների հետ բարձրանում է լեռն ու այլակերպվում, դեմքը պայծառանում է ու նրա կողքն են հայտնվում Եղիան ու Մովսեսը, ու լսվում է մի ձայն ամպից, որն ասում է. «Այս է իմ սիրելի որդին, նրան լսիր»:
«Ինչ—որ կպատահի լեռան վրա Աստվածհայտնույունն է: Հիսուս կերևա Լեռան վրա կերևա սուրբ երրորդության խորհուրդը»:
Վարդավառը նաև հիշեցնում է ջրհեղեղից Նոյի փրկվելը:
Վաղը ժամը 12:00-ին Կարապի լճի հարակից տարածքում տեղի կունենա ավանդական դարձած «Վարդավառի տոնը Երևանում» գլխավոր միջոցառումը: Լցվենք աստվածային լույսով ու դիմավորենք վարդավառի տոնը՝ ջուր ցողելով իրար վրա: