Տարածքային կառավարման և զարգացման նախարար Սուրեն Պապիկյանն այսօր Արմավիրի մարզխորհրդի արտահերթ նիստում ներկայացրել է նորանշանակ մարզպետ Գագիկ Միրիջանյանին: Մասնագիտությամբ բժիշկ մարզպետը նշեց, որ առաջին քայլը կլինի մարպետարանի աշխատակազմի հետ ծանոթացումը, հետո կշրջի համայնքներում՝ մոտիկից ծանոթանալու բոլոր ոլորտներում առկա խնդիրներին, որոնք կխմբավորվեն՝ լուծում տալու նպատակով:
Նորանշանակ մարզպետն ունի իր գործելաոճը. աշխատելու է պարզ ու թափանցիկ, հասանելի է լինելու մարզի յուրաքանչյուր բնակչի համար. ,, Ես ընդունելու եմ բոլորին, հասանելի եմ լինելու օրը 24 ժամ և շաբաթը 7 օր, բացի այդ ակտիվ եմ սոցիալական հարթակում: Արդեն ստացել եմ 3000 նամակ, փորձել եմ բոլորին պատասխանել,,:
Լրագրողների հետ զրույցում Գագիկ Միրիջանյանն ասաց. Մի բան եմ ուզում խնդրել մամուլից օբյեկտիվ լինել և չտրվել ասեկոսեներին:
Նորանշանակ մարզպետին ներկայացնելու կապակցությամբ այսօր միացվել էին Արմավիրի հրապարակի շատրվանները:
