Հունիսի 9-ին, ժամը 00.20-ին, մի քաղաքացուց ոստիկանության Մասիսի բաժնում հաղորդում է ստացվել, որ Մասիս քաղաքի 3-րդ թաղամասում հրավառություն է:
ՀՀ ոստիկանության լրատվական ծառայության փոխանցմամբ, ահազանգով մեկնած օպերատիվ խումբը պարզել է, որ հրավառությունը կատարել է Մասիս քաղաքի բնակիչ Տ. Մ.-ն, որը բացատրություն է տվել, որ հրավառությունը կատարել է իր հավանած աղջկա սիրտը գրավելու համար: Վերջինս հրավիրվել է ոստիկանության Մասիսի բաժին:
Կազմվել է համապատասխան արձանագրություն:
