Լուսինե Ավանեսյան
Ռադիոլուր- Ստեփանակերտ
Այսօր Ստեփանակերտում համեմատաբար խաղաղ է: Ազատամարտիկների պողոտան բաց է, իսկ բողոքավոր քաղաքացիները տեղափոխվել են Ստեփանակերտի մշակույթի եւ երիտասարդության պալատ, որտեղ հանրային խորհուրդ ստեղծելու համար տարածք է հատկացվել:
Բողոքի ցույցը դադարեցնելու որոշումը կայացվել է երեկ ուշ երեկոյան. Պետական նախարար Արայիկ Հարությունյանը ցուցարաների է ներկայացրել նախագահ Բակո Սահակյանի հրավիրած խորհրդակցության արդյունքերը, ցուցարաների որոշման վրա ազդել է նաեւ ՀՀ վարչապետ Նիկոլ Փաշինյանի ֆեյսբուքյան ուղերձը: Ակտիվ պայքարը դադարեցնելու որոշման հետ սակայն ոչ բոլոր ցուցարաներն են համաձայն:
