ԿարևորՀասարակություն
Ինչ են պահանջում Ստեփանակերտում բողոքող ցուցարարները
Լուսինե Ավանեսյան
«Ռադիոլուր»-Ստեփանակերտ
Երեկ երեկոյան Ստեփանակերտում կենցաղային հողի վրա սկսված ծեծկռտուքն այսօր վերածվել է օրինականության պահանջով բողոքի ցույցի: Առավոտյան ժամը տասնմեկից փակ է Ազատամարտիկների՝ քաղաքի կենտրոնական պողոտան:
Ցուցարարները, ովքեր պնդում են, որ հավաքվել են ուժայինների, մասնավորապես հատուկ ջոկատայինների եւ նրանց հովանավորների անօրինությանը վերջ դնելու համար, արդար քննություն են պահանջում իշխանություններից:
Ցույցը տեղի է ունենում Ստեփանակերտի միակ ավտոկայանի հարեւանությամբ. Հետաքրքիրն այն է, որ փակ պահելով քաղաքի տրանսպորտային հիմնական երակը՝ Ազատամարտիկների պողոտան, ակցիայի մասնակիցները չեն խոչնդոտում ավտոկայան մտնող եւ այդտեղից դուրս եկող միջշրջանային երթուղիների աշխատանքին: