Փաշինյանը ճեղքում է հայ–վրացական բարեկամության «փակ շրջանը»
Հայաստանում Վրաստանի առաջին դեսպան, Սամցխե-Ջավախքի նախկին նահանգապետ, հայագետ Գիգլա Բարամիձեն հայերենով բնորոշեց հայ-վրացական բարեկամությունը. «Չաստո գովորիմ՝ բազմադարյա բարեկամություն, ճիշտ եմ ասում»: Միաժամանակ ասում է ՝ խոսքից պետք է գործի անցնել:
Առավել ևս, որ Վրաստանում ՀՀ վարչապետ Նիկոլ Փաշինյանին հուզմունքով ու անհամբերությամբ էին սպասում: Մյուս կողմից էլ բավական է նշել, որ Վրաստան այցը Փաշինյանի առաջին պաշտոնական այցն է: Վրաց դիվանագետը հույս ունի, որ այս այցով կճեղքվի հայ–վրացական բարեկամության «փակ շրջանը»։ Որքանով է իրագործելի Հայաստանի համար կարևոր Աբխազական երկաթգծի գործարումը:
ձայն Այս պահին երկաթգծի գործակման հարցը չի քննարկվում: Այսօր կարող է խոսք գնալ Ցխենվալով ավտոմոբիլային ճանապարհի գործարկման մասին: Միայն այս մասին է խոսվում
Վրաստանի հարցերով փորձագետ Ջոնի Մելիքյանի խոսքով էլ հայ-վրացական հարաբերությունների օրակարգում դեպի Վերին Լարս տանող ճանապարհի արդիականացումն է, առաջնահերթ՝ թունելի կառուցումը, ինչը 20 միլիոն դոլարանոց ծրագիր է:
Հայաստանի նոր ղեկավարությունը հայտարարեց, որ իր արտաքին քաղաքականության մեջ հատուկ տեղ է հատկացնում հարևան Վրաստանի և Իրանի հետ համագործակցությանը, ինչն ըստ փորձագետի վկայում է, որ տարածաշրջանային համագործակցությունը զարգացնելու հիմք կա:
Նա ընդգծեց ՀՀ վարչապետի Ջավախք այցը: Սահակաշվիլիի օրոք հայ պաշտոնյաները զգուշավոր էին հայաբնակ այդ շրջան այցելելու հարցում նկատեց: Ի դեպ հայկական պատվիրակության Ջավախք այցը համաձայնեցված էր պաշտոնական Թբիլիսիի հետ։
«Ինչ-որ մեսիջ է պարունակում վարչապես Նիկոլ Փաշինյանի այն հայտարարությունը որ երրորդ երկրները չպետք է ազդեն հայ-վրացական հարաբերությունների վրա: Թբիլիսիի հետ համաձայնեցված այդ քայլը միասնական մեսիջ է ուղղված տարածաշրջանի երկրներին ու նաև տարածաշրջանից դուրս խաղացողներին, որ Սացխե-Ջացախքը Հայաստանին ու Վրաստանին միավորող կամուրջ է»:
Մեսիջ է պարունակում նաև այն հայտարարությունը, որ Ջավախքի միջոցով երկկողմ հարաբերությունները խաթարելու փորձերը կկանխվեն ավելացրեց փորձագետը:
Սակայն ամեն դեպքում վրաց դիվանագետի կարծիքով Նիկոլ Փաշինյանի Վրաստան այցն ավելի շատ ճանաչողական բնութ է կրում: