Լրագրող Արկադի Բաբչենկոն ողջ է: Գերմանիայից հաղորդում է մեր գործընկեր Անահիտ Հովսեփյանը: Նրա խոսքով՝ այս մասին հայտարարել է Ուկրաինայի անվտանգության ծառայության ղեկավար Վասիլի Գրիցակը, հաղորդում են գերմանական լրատվամիջոցները:
Գերատեսչությունից հայտնել են, որ Ուկրաինայի անվտանգության ծառայությունը նախապես տեղեկացել է լրագրողի սպանության նախապատրաստման մասին և կանխել է այն:
Բաբչենկոն, անձամբ ելույթ ունենալով լրագրողների առաջ, հայտարարել է, որ իրեն 3 ամիս առաջ հայտնել էին իր սպանության «պատվերի» մասին և առաջարկել հատուկ նախապատրաստված բեմականացման մասնակցել, որին 2 ամիս նախապատրաստվել են:
