Քաղաքական

Ամեն ինչ չի վերջացել, նոր միայն սկսվում է


Լրագրողների հետ այսօրվա հանդիպման ժամանակ հայաստանյան ներքաղաքական զարգացումներին անդրադարձել են Ընդդեմ իրավական կամայականությունների ՀԿ գործադիր տնօրեն Լարիսա Ալավերդյանը եւ «Կովկաս» ինստիտուտի տնօրեն, քաղաքագետ Ալեքսանդր Իսկանդարյանը:

Լրագրողների հետ այսօրվա հանդիպման ժամանակ անդրադառնալով հայաստանյան ներքաղաքական իրադարձություններին՝ Ընդդեմ իրավական  կամայականությունների ՀԿ գործադիր տնօրեն Լարիսա Ալավերդյանը կարծիք հայտնեց, որ Մարդու իրավունքների տեսակետից, անշուշտ, խաղաղ բնույթի գործընթացները ողջունելի է:

«Կովկաս» ինստիտուտի տնօրեն, քաղաքագետ Ալեքսանդր Իսկանդարյանի գնահատմամբ՝ քաղաքական տեսանկյունից այսօր դեռեւս գործընթացները շարունակվում են:

«Գործընթացը շատ դինամիկ է, իրավիճակը փոխվում է բառացիորեն յուրաքանչյուր ժամ: Ամեն ինչ չի վերջացել, նոր միայն սկսվում է»:

Ըստ քաղաքագետի՝ գործընթացը բավականին բարդ է լինելու: Իրավաբանական տրամաբանությանը հակադրվում է փողոցի ճնշման տրամաբանությունը եւ այս տրամաբանությունը հաղթում է, ինչի վկայությունն են այն խոսակցությունները, թե վարչապետին կարելի է ընտրել հրապարակում։

«Կփոխի ընտրական օրենսգիրքը, կկազմակերպի նոր ընտրություններ, ովքեր կմասնակցեն այդ ընտրություններին, ինչպե՞ս կարելի է ընտրություններից հեռացնել նախկին վերնախավին, որտեղ գտնել կուսակցություններ, որոնք կմասնակցեն ընտրություններին»։

Նիկոլ Փաշինյանի թիկունքում, մեծ հաշվով, կուսակցություններ չկան՝ իր խոսքը եզրափակեց «Կովկաս» ինստիտուտի տնօրեն, քաղաքագետ Ալեքսանդր Իսկանդարյանը։

Ցուցադրել ավելի
Back to top button