Հասարակություն

ԱՀ ՊՆ խստիվ դատապարտում է բանակը քաղաքական գործընթացների մեջ ներքաշելու բոլոր փորձերը

Վերջին օրերին սոցիալական ցանցերում հրապարակվել  են մի շարք կոչեր և լուսանկարներ, որոնք վկայում են բանակը քաղաքական գործընթացների, հակասահմանադրական գործողությունների մեջ ներքաշելու՝  որոշ ուժերի կողմից ձեռնարկվող փորձերի մասին: Այս մասին հայտնում են Արցախի հանրապետության ՊՆ մամուլի ծառայությունից։

«Ձեռնպահ մնալով ՀՀ-ում ընթացող գործընթացների վերաբերյալ գնահատականներ հնչեցնելուց՝ Արցախի Հանրապետության պաշտպանության նախարարությունն իր խորին մտահոգությունն է հայտնում երկրի կայունությանն ու անվտանգությանը սպառնացող դրսևորումների վերաբերյալ:

Արցախի Հանրապետության պաշտպանության նախարարությունը հայտարարում է, որ բանակն ապաքաղաքական կառույց է, որի կարևորագույն խնդիրը երկրի սահմանների անվտանգության ապահովումն է: Բանակը գործել և այսուհետ ևս գործելու է բացառապես պաշտպանական ոլորտը կարգավորող օրենսդրությանը  համապատասխան:

Միևնույն ժամանակ Արցախի Հանրապետության պաշտպանության նախարարությունը խստիվ դատապարտում է բանակը քաղաքական գործընթացների մեջ ներքաշելու բոլոր փորձերը և զգուշացնում է դրանք ձեռնարկողներին իրենց գործողությունների իրավական հետևանքների մասին»,- ասված է ԱՀ ՊՆ հայտարարության մեջ։

Ցուցադրել ավելի
Back to top button