Քաղաքական անհնազանդություն, Երեւան, օր 4-րդ
«Ցանցային պայքար» Նիկոլ Փաշինյանն այսօր օրվա երկրորդ կեսին հայտարարեց, որ սկսում են թավշյա հեղափոխություն, խաղաղ անհնազանդության գործողություններ:
Վաղ առավոտից փակվում և բացվում էին մայրաքաղաքի կենտրոնական տարբեր փողոցներ, թեժ էր նաև մետրոյի երիտասարդական կայարանի հարակից տարածքը:
Ուղիղ կեսօրին, երբ խորհրդարանին որպես վարչապետի թեկնածու էր ներկայացվում Սերժ Սարգսյանը, Նիկոլ Փաշինյանը ֆրանսիայի հրապարակում հանրահավաք էր հրավիրել:
Հենց այստեղ էլ նա հայտարարեց ցանցային պայքարի ու թավշյա, սակայն հեղափոխության մասին:
Շենքերի շրջափակման գործընթացն է սկսված, ոչ թե շենքերի գրավման,-հստակեցրեց Փաշինյանն ու շարժվեց Գլխավոր դատախազության շենքի ուղղությամբ: Չշրջանցեց նաև Վազգեն Սարգսյանի փողոցում գտնվող մեկ այլ պետական գեչատեսչության շենք՝ կառավարության երկրորդ մասնաշենքը, որտեղ տեղակայված են մի քանի նախարարություններ:
Ակցիայի մասնակիցները շարժվեցին ՊԵԿ-ի ուղղությամբ, շրջափակեցին այն:
Խոստմանը հավատարիմ, Փաշինյանը քայլում էր՝ առանց նախապես հայտարարելու, թե դեպի որ կողմ է գնում. «չենք ասում ոնց ենք գնում ուր ենք գնում»:
Պետական գերատեսչությունների շենքերի մոտ Նիկոլ Փաշինյանը կամավորներին կոչ էր անում նստացույց անել ու մնալ այն վայրերում, որտեղ այդ պահին նրանք գտնվում էին, նրանց կոչ էր անում չվնասել գույքը:
Գերատեսչությունների պատուհաննցերից նայող աշխատակիցներին էր դիմում Նիկոլ Փաշինյանը:
Նիկոլ Փաշինյանն ինչպես երեկ, այնպես էլ այսօր քայլում էր Երևանի փողոցներով՝ Տերյան Մոսկովյան խաչմերուկով, Սայաթ Նովա Խանջյան փողոցներով, հանդես էր գալիս կոչերով:
Ինչպես երեկ, այսօր էլ ուսանողները փակել էին Կորյուն փողոցից Հ երացի տանող հատվածը: Օրվա ընթացքում ամենաթեժը Հալաբյան Արզումանյան փողոցներում էր: Այստեղ Քաղաքացիական ակցիայի մասնակիցների ու ոստիկանների մասնակցությամբ միջադեպ տեղի ունեցավ:
Ոստիկանները փորձում էին հեռացնել նստացույց անող աղջիկներից մեկին: Փակ է նաև Հալաբյանից դեպի Կարեն Դեմիրճյանի անվան մարզահամերգային համալիր իջնող հատվածը: Այստեղ երիտասարդները նստացույց են արել,Մետ եմկ ժամ կքրերը չէին հանդարտվում այս հատվածում,ա վելին մ ի քանի անգամ ոստիկանների ու ակցիայի մասնակիցների հետ միջադեպեր տեղի ունեցան
Հալաբյան-Արզումանյան փողոցից ակցիայի մասնակիցները շարժվեցին դեպի Հաղթանակի կամուրջ: Նրանք հայտարարեցին, որ քվեարկել ու որոշել են այս ուղղությամբ շարժվել : Երկար ժամանակ այստեղ իրավիճակը թեժ էր, ոստիկանները ակցիայի մասնակիցներին կոչ էին անում բացել կամուրջը, մեքենաները շատ են ու անվտանգության խնդիր կարող է առաջանալ:
Ակցիայի մասնակիցները փակել էին նաև Գևրիգոր Լուսավորից Արգիշտի փողոցները:Սա երևանի քաղաքապետարանի մերձակա տարածքն է: Այստեղից ոստիկանները ցանկանում էին բերման ենթարկել ակցիայի մասնակիցներից մեկն, սակայն, ազատ արձակեցին: Պարեկային ծառայության հատուկ մեքենան հեռացավ: Ըստ նախնական տեղեկությունների երկու հոգի բերման էր ենթարկվել:
Ոստիկանական մեքնենաներով միակողմանի արգելափակված էր նաև Արշակունյաց փողոցը:
Քաղաքացիական ակտիվսիտների մի մասն էլ ակցիա էր իրականացնում ոստիկանության շենքի առջև:
Քաղաքացիական ակցիայի մասնակիցների հետագա քայլերի մասին կեսօրից մոտ երեք ժամ անց հայտարարեց Նիկոլ Փաշինյանը:
Հանրապետության հրապարակում էլ կամփոփեն այս օրն ու կորոշեն հետագա անելիքները: