Վարչապետի ընտրության ԱԺ հատուկ նիստը կանցկացվի Երևանում՝ ժամը 12։00-ին. Վահրամ Բաղդասարյան
հրապարակված 13.08-ին
լրացված 18.31-ին
Մինչև Բաղրամյան պողոտայում իրադարձությունների շիկացումը կոալիցիոն գործընկերներ Հանարապետական և Դաշնակցություն խմբակցություններն այսօր համատեղ նիստ են հրավիրել և միաձայն քվեարկությամբ պաշտոնապես վարչապետի պաշտոնում առաջադրել Սերժ Սարգսյանի թեկնածությունը:
Նիստից հետո ապահովվել է ընթացակարգի մյուս մասը՝ պահանջվող փաստաթղթերը ներկայացվել են ԱԺ քարտուղարություն: Իսկ նիստից առաջ կոալիցիոն ուժերի ներկայացուցիչները հասցրել են մասնակցել նաև ավանդական խորհրդարանական ճեպազրույցներին:
Դրանց հիմնական թեման եղել է ընդդիմության նախաձեռնած բողոքի ակցիան ու հարցը, թե այն ինչպես կանդրադառնա վաղը նախատեսվող ԱԺ հատուկ նիստի ընթացքի վրա:
Կոալիցիոն ուժերը համոզված են, որ ընդդիմության նախաձեռնած բողոքի ակցիան չի խափանի ԱԺ վաղվա հատուկ նիստը և խորհրդարանը կկարողանա վարչապետ ընտրել: ՀՅԴ խմբակցության ղեկավար Արմեն Ռուստամյանը տեսականորեն բացառում է այդ, նաև այն հնարավորությունը, որ վաղվա նիստը խորհրդարանը մեկ այլ վայրում գումարի:
Իսկ ընդդիմության նախաձեռնած բողոքի ակցիային Արմեն Ռուստամյանը վերապահումով է մոտենում, կարծում է, որ վարչապետի ընտրության դեմ հիմա բողոքելն առնվազն ժամանակվրեպ է , քանի որ մեծամասնությունը պատրաստվում է իրացնել իր այն իրավուքնը, որը նրան տրվել է Սահմանադրությամբ:
Այնուամենայնիվ ինչ է անելու ՀՅԴ խմբակցության ղեկավարը, եթե վաղը խոչընդոտվի նրա մոտքը խորհրդարան: Ռուստամյանն ասում է՝ հաղթահրելու է արգելքները:
Ռուստամյանի ապտակի փոխարեն շատ ավելի մեղմ մարտավարություն է վաղը ընտրելու խորհրդարանական մեծամասնության ղեկավարը:
Վահրամ Բաղդարասյանն ասում է, որ խորհրդարանական մեծամասնությունը հարգանքով և համբերատարությամբ է վերաբերվում բողոքի ակցիային, ելնում է այն մոտեցումից, որ օրենքով չարգելվող որեւէ գործողություն մերժելի չէ : Հարցին, թե օրինաչափ են արդյոք ընդդիմադիրների մինչ այժմ ձեռնարկած քայլերը, բաղասադարյայյն ասում է իրավապահների որոշելիքն է:
«Քաղաքական գործընթաց է, հարգանքով եմ վերաբերվում խաղաղ երթերին, ցույցերին, դա դրսևորման ձև է, եթե օրենքի շրջանակում կգործեն, որևէ խոչընդոտ չի լինի, և մենք համբերատար, հարգանքով կվերաբերվենք նրանց ակցիաներին»։
ՀՀԿ խմբակցության ղեկավարը նույնպես վստահ է , որ վարչապետի ընտրության վայրը փոխելու անհրաժեշտություն չկա ։ Այն ենթադրության հիմքում , որ ԱԺ հատուկ նիտը խորհրդարանը կարող է մեկ այլ վայրում գումարի, ՀՀԿ խորհրդի արտագնա ՝ ծաղկաձորյան նիստի նախադեպն է:
Իսկ հնարավոր է վաղն այնպիւսի իրավիկճակ ձևավորվի, որ վարչապետի թեկնածուն ինքը չկարողանա հասնել խորհրդարան: Այսպիսի հարց Բաղդասարյանին նույնպես տրվեց:
«Բան չի մնացել, 24 ժամ է մնացել, կգանք, կընտրենք ու Դուք կտեսնեք»: