Ապրիլի 11-ից 13-ը 60-ից ավելի մասնակիցներ կողք կողքի կլինեն՝ կիսելու նույն նպատակներն ու փոխանակելու փորձը. 18-րդ անգամ անցկացվող «ԿՐԹՈՒԹՅՈՒՆ ԵՎ ԿԱՐԻԵՐԱ EXPO 2018» միջազգային մասնագիտացված ցուցահանդեսն է:
Yerevan Expo-ում այս պահին 60-ից ավելի տաղավարներ կողք կողքի են, յուրաքանչյուրն իր յուրովի ասելիքով:
Բոլոր տաղավարներով անցնել, ցավոք չենք կարող: Բայց հենց հիմա միասին կանցնենք մի քանիսի կողքով:
Ցուցահանդեսը փորձի փոխանակման, սեփական ձեռքբերումների վերագնահատման, մրցունակ և արդիական ծրագրերի ներդրման յուրօրինակ հարթակ է դարձել ուսումնական հաստատությունների, կրթական ծրագրեր իրականացնող միջազգային և տեղական կազմակերպությունների համար:
Այստեղ է նաև կրթության և գիտության փոխնախարար Վահրամ Մկրտչյանը։
Ցուցահանդեսին մասնակցում են նաև Ռուսաստանի, Լեհաստանի և Լիտվայի բարձրագույն ուսումնական հաստատությունների ներկայացուցիչներ:
