Հասարակություն

Հայաստանը 107-րդն է կոռուպցիայի ընկալման վարկանիշում

հրապարակված՝ 11.52
լրացված՝ 16.39

«Թրանսփարենսի Ինթերնեշնլ» հակակոռուպցիոն կազմակերպությունը  հրապարակել է 2017 թվականի Կոռուպցիայի ընկալման համաթիվը։ Հետազոտական թիմը գնահատել է 180 երկրի՝ այդ թվում Հայաստանի իրավիճակը։ 

Ըստ զեկույցի՝ մեր երկիրը  180 երկրների շարքում 107-րդն է: Թեև հորիզոնականը 2-ով բարելավվել է, բայց կոռուպցիոն իրավիճակը երկրում առանձնապես չի փոխվել:

Ամենակոռումպացված երկրների շարքում են Սոմալին, Սիրիան , Հարավային Սուդանը նույնիսկ՝ Ռուսաստանը: Նրանց համեմատությամբ Հայաստանն  ավելի բարվոք վիճակում է.

«Թրանսփարենսի Ինթերնեշնլ հակակոռուպցիոն կենտրոնի» ծրագրերի ղեկավար Վարուժան Հոկտանյանը,  ներկայացնելով  2017թ.-ի կոռուպցիայի ընկալման համաթվի արդյուքները, նշեց, որ  Հայաստանը 180 երկրների շարքում 107-րդն է:

Հոկտանյանն  ասոմ է, որ  թեև նախորդ տարիների համեմատ Հայաստանն իր դիրքը  բարելավել է 2 հորիզոնականով, բայց սա  ամենևին չի նշանակում, որ մեր երկիրը հաղթահարել է կոռուպցիան կամ դրա դեմ պայքարի ճանապարհին է:

Փորձագետն ասում  է, որ   աշխարհում շատ կոոռումպացված են համարվում այն երկրները, որտեղ կոռուպցիան համակարգային է, խանգարում է տնտեսության զարգացմանը: Երբեմն լինում են դեպքեր, երբ տնտեսական համակարգի ընտրությունն է հանգեցնում կոռուպցիայի:

Արդադատություն նախարար  Դավիթ Հարությանյանն  էլ    զարմանում է, որ հաչախ հնչում են  գնահատականներ,  թե կոոռուպցիայի դեմ պայքարի արդյունքները չեն երևում:

«Կոռուպցիայի դեմ պայքարն այնպիսի պայքար չէ, որ մեկ ամսվա ընթացքում արդյունքները երևան, համակարգային վեց հիմնական ծրագրեր են իրականացվել այս ոլորտում:

Վարուժան Հոկտանյանն էլ  հիշեցնում է, որ Հայաստանում հակակոոռուպցիոն 3 ռազմավարություն է մշակվել ու գործել ու դրանք առանձնապես արդյունավետ չեն եղել:  Որոշակի հույսեր նա կապում է ստեղծվելիք նոր կառույցի հոտ: Ապրիլի 10-ից  Հայաստանը կունենա  հակակոռուպցիոն նոր կառույց:

Back to top button