Ծեծկռտուք՝ Երևանի ավագանու նիստի ժամանակ
լրացված 18.01
Ապատակներ, գոռոցներ մազ քաշոցի: Սա հայկական մարտաֆիլմից հատված չէ, այլ այն ամենն, ինչ այսօր տեղի ունեցավ Երևանի ավագանու նիստում: Բայց նախ ամեն ինչ հերթով:
Ավագանու «Երկիր Ծիրանի» խմբակցության անդամները դահլիճ էին բերել Նուբարաշենի կոյուղաջրերը՝ տարաների մեջ լցրած: Բացված շշերից գարշահոտություն էր տարածվել, ու խմբակցության անդամները հոգացել էին նաև այդ մասին: Նրանք բժշկական դիմակներ էին բաժանել ներկաներին:
Սակայն ոմանք, չդիմանալով այդ գարշահոտությանը, դուրս եկան դահլիճից: Լարվածությունն ավելի մեծացավ, երբ «Երկիր Ծիրանի» խմբակցության անդամ Մարինա Խաչատրյանը փորձեց տարաներից մեկը մոտեցնել քաղաքապետ Տարոն Մարգարյանին։ Նա հասցրեց կոյուղաջուրը լցնել դահլիճի հատակին:
Նշենք, որ նիստին ներկա ՀՀԿ-ական տղամարդիկ տեղից վեր թռչելով փորձեցին Մարինա Խաչատրյանին հետ պահել, քաշքշեցին, ձեռքից վերցրին մյուս տարաները՝ հրելով, բղավելով փորձեցին դահլիճից դուրս հանել:
Խաչատրյանը ընդդիմանում էր, հետո սկսվեց ծեծկռտուք նրանց միջեւ: Բոլորը հարվածում էին միմյանց ու հենց այդ պահին ինչպես լինում է՝ Գոռ Վարդանյանի հայտնի ֆիլմերում, հայտնվեց հենց քաղաքապետի օգնական Գոռ Վարդանյանը, ու թևերիրց գրկած բռնի ուժով Մարինա Խաչատրյանին հանեց դուրս:
Նիստը ընդմիջվեց, հրավիրվեցին հոգեբույժներ, որպեսզի զրուցեն «Երկիր Ծիրանի» խմբացկության անդամների հետ: Փոխքաղաքապետ Կամո Արեյանն էլ ասաց, որ ոմանց ցնորամիտ պահվածքի պատճառով մտադիր չեն ավագանու նիստն ընդհատել եւ սառնասրտորեն այն շարունակելու են:
Տարոն Մարգարյանն էլ հայտարարեց, որ այսուհետ Երեւանի քաղաքապետարանի մուտքը եւ անվտանգությունը խստացվելու է, որպեսզի վտանգավոր իրեր եւ առարկաներ չկարողանան ներս մտցնել: Իսկ ահա ավագանու անդամ Հասմիկ Սարգսյանին էլ պարզապես զարմացել էր քաղաքապետ Տարոն Մարգարյանի սառնասրտությունը, այն թե ինչպես է տանում Երկիր Ծիրանին:
Ու մինչ գործընկերները քննադատում էին Երկիր Ծիրանի պահվածքն ու տեղի ունեցածը խմբակցություն ղեկավար Զարուհի Փոստանջյանը հայտարարեց, որ ավագանու ՀՀԿ անդամների տեղը Նուբարաշենում է, այլ ոչ թե այստեղ:
Իսկ այս միջադեպից հետո ավագանու անդամ Մարտին Վարդազարյանի ինքնազգացողությունը վատացավ եւ նա տեղափոխվեց Նորք Մարաշ սրտաբանական հիվանդանոց: Իսկ Երկիր Ծիրանի անդամնեը նիստը չավարտված լքեցին դահլիճը, չնայած կար քննարկման դեռ 15 հարց: