Միջազգային

«Ենի Ազերբայջան»-ը Իլհամ Ալիևին առաջադրեց նախագահի թեկնածու

Ադրբեջանի իշխող «Ենի Ազերբայջան» կուսակցությունը երկրում ապրիլի 11-ին կայանալիք արտահերթ նախագահական ընտրություններին հերթական անգամ առաջադրել են գործող նախագահ Իլհամ Ալիևի թեկնածությունը, հայտնում են ադրբեջանական ԶԼՄ-ները

Ալիևին առաջադրելու մասին միաձայն որոշում է ընդունվել կուսակցության 6-րդ համագումարի ժամանակ:

Ադրբեջանի նախագահ Իլհամ Ալիևը փետրվարի 5-ին ստորագրել էր հրամանագիր երկրում արտահերթ նախագահական ընտրություններ անցկացնելու վերաբերյալ: Համաձայն հրամանագրի նոր ընտրությունները կկայանան ապրիլի 11-ին՝ նախապես սահմանված հոկտեմբերի 17-ի փոխարեն:

Այս ընտրությունները կլինեն առաջինն Ադրբեջանում սահմանադրական վերջին փոփոխություններից հետո, որոնք Ալիևին թույլ տվեցին արդեն չորրորդ անգամ առաջադրվել:

Հաղթելու պարագայում նա պաշտոնավարելու է յոթ տարի ժամկետով՝ նախկին հինգի փոխարեն։ Բացի այդ, 2016 թվականին Ալիևի նախաձեռնած սահմանադրական փոփոխություններով վերացվել է թեկնածուի առաջադրման քանակի սահմանափակումը, հետևաբար Ալիևը կարող է յոթ տարին մեկ առաջադրվել այնքան, որքան կցանկանա։

Back to top button