Դիլետանտ չեմ, որ քարը ներկեմ, հետո թափվի. Արամ Մանուկյանի արձանի շուրջ քննարկումները շարունակվում են
Հայ նշանավոր պետական, քաղաքական և ռազմական գործիչ, Առաջին հանրապետության ներքին գործերի նախարար Արամ Մանուկյանի հիշատակը հավերժացնող և առաջիկայում Երևանում տեղադրվելիք արձանը թեժ կրքեր է բորբոքել:
Մասնագետների կարծիքներն իրարամերժ են: «Ռադիոլուր»-ը ստացել է նաև արձանի հեղինակ, քանդակագործ Դավիթ Մինասյանի մեկնաբանությունը:
Պարզվում է՝ Արամ Մանուկյանի՝ վերջին օրերին մեծ աղմուկ բարձրացրած տեղադրվելիք արձանի էսքիզն այն տարբերակը չէ, որն ընտրել են մրցույթի հանձնաժողովի անդամները:
Փորձում է հիշել ու ներկայացնել մրցույթում իր տեսածի և հիմա արդեն քննարկվող էսքիզների տարբերությունները:
Գաղափարը ձայների մեծամասնությամբ հավանության է արժանացել: Իսկ քննարկվող ու քննադատվող օրինակը աշխատանքային էսքիզներից մեկն է՝ պարզաբանում է հեղինակը:
Եռագույնը կներկվի՞, թե՞ կօգտագործվի գունավոր քար.
Երևանի քաղաքապետարանի «Ելք» խմբակցության անդամ Արայիկ Հարությունյանը շեշտում է՝ քաղաքի բնակիչը պետք է իմանա, թե իր մայրաքաղաքում ի՞նչ փոփոխություններ են սպասվում: Ասում է՝ ներկայացված տարբերակը վերջնական է: Արայիկ Հարությունյանն ունի նաև իր տեղեկությունները:
«Ունեմ տեղեկություններ, որ Լեւոն Իգիթյանը, ով նաեւ ավագանու անդամ է, շատ լուրջ լոբբինգ է արել այս ուղղությամբ, որպեսզի Դավիթ Մինասյանի էսքիզը հաղթող ճանաչվի, ունեմ նաեւ տեղեկություն, որ Լեւոն Իգիթյանը լինելու է այս քանդակի ճարտարապետը»:
Ժողովուրդը միշտ չէ, որ իրավացի է եղել իր հասարակական կարծիքում: Ժամանակն է ցույց տվել՝ ասում է:
Երևանի ավագանու փետրվարի 13-ի նիստի օրակարգում ընդգրկված է մայրաքաղաքում Արամ Մանուկյանի արձանը տեղադրելու մասին հարցը: Արամ Մանուկյանի արձանը կտեղադրվի Արամի եւ Նալբանդյան փողոցների հատման կետում՝ մետրոյի «Հանրապետության հրապարակ» կայարանի վերնամասում: