Բացառել նոր պոչամբարների ստեղծումը. պաշտոնական ու փորձագիտական կարծիքները համընկնում են
Մեր երկրում գերակա հռչակված հանքարդյունաբերության ոլորտի շուրջ կրքերը չեն հանդարտվում: Հայաստանում 22 պոչամբար կա, որոնք, բնապահպանների վստահեցմամբ, լուրջ խնդիրներ են առաջացնում:
Մեկ հարցում պաշտոնական ու փորձագիտական կարծիքները համընկնում են՝ Հայաստանում պետք է բացառել նոր պոչամբարների ստեղծումը, եղածներն էլ պետք է անվտանգ դառնան:
Ճոճկան և Մեծ Այրում համայնքների միջև գործող պոչամբարը Ճոճկան և Մեծ Այրում համայնքների միջև է գտնվում Նահատակի պոչամբարը: Այն պատկանում է Ախթալայի լեռնահարստացուցիչ կոմբինատին: Այս պոչամբարը մեկ անգամ չէ, որ վնասվել է:
Փորձագետ Վիկտորյա Բուռնազյան. «Ախթալա գետը վաղուց պոչատար է դարձել, ունի ծանր մետաղների մի ամբողջ փունջ, Ախթալա գետը գալիս լցվում է Դեբեդ գետը»:
Անցյալ տարվա աշնանը ձևավորված ԲՆ Բնապահպանության և ընդերքի տեսչական մարմնում խնդրից տեղյակ են: Մարմնի ղեկավարի խորհրդական Մարզպետունի Քամալյանը հաստատում է՝ վթար իսկապես եղել էր, արտադրական հոսքաջրերը տարածք էին թափվել:
«Պոչատարը, որը ֆաբրիկայից գնում է մինչև պոչամբար՝ մոտ 8 կմ, խողովակաշարը ծածկվել էր, հոսքաջրերը դպրոցի տարածք էին լցվել: Ընկերությունը վերականգնեց այդ տարածքը: Նահատակի պոչամբարում ստուգումները ընթացքի մեջ են»:
Տարածքը վերականգնված է՝ ասում է պպաշտոնյան, նշում է, որ ստուգումներ են սկսել՝ շրջակա միջավայրի վրա ազդեցությունն են ուսումնասիրում: Չի ուզում ժամանակից առաջ ընկնել ու ենթադրություններ անել: Փոխարենը վստահեցնում է՝ Նահատակ պոչամբարը դեռ 1,5 տարի կշահագործվի:
Փորձագետը՝ Վիկտորիա Բուռնազյանը, խոսելով նախկինում փակված պոչամբարների մասին, ընդգծում է՝
«Երեք չորս ամսից Շամլուղի բաց հանքի տարածքում պահեստավորել պոչամբարը, ռեկուլտիվացնել՝ հողով ծածկել, որ անվտանգ դառնա»:
Փորձագետը, ներկայացնելով իրենց մոնիտորինգի արդյունքները, նշում է՝ նախկինում երկու ծածկված պոչմաբներն արդյունավետ չեն ծածկվել, հողի շերտը բարակ է, պոչանքն անձրևաջրերի հետևանքով լցվում է Ախթալա գետը:
Մասնագետները հաշվարկել ու պարզել են՝ մեկ հա հանքավայրը աղտոտում է 10 հա տարածք։ Պնդում են՝ գյուղատնտեսական նշանակության հողերը վտանգված են: Ավելին, առողջապահական խնդիրներն ազդում են ոչ միայն տեղի համայնքների վրա, այլեւ, «Էկոլոգիական իրավունք» ՀԿ-ի ներկայացուցիչ Արթուր Գրիգորյանի խոսքով՝
«Սննդային շղթայի միջոցով հասնում է մեզնից յուրաքանչյուրին, սա արդեն ազգային անվտանգության խնդիր է, բոլոր պատասխանատու մարմինները տեղյակ են սրա մասին, բայց ինֆորմացիան թաքուն են պահում»:
ՀՀ ԱԺ «Ելք» խմբակցության պատգամավոր Գևորգ Գորգիսյանը դիմել է ԱՆ՝ փորձում է հասկանալ՝ հանքարդյունաբերության հետևանքով առողջական ինչ խնդիրներ ունեն տեղացիները: Մինչ այդ, հայտարարում է՝
«Սատկած խեցգետին գտանք, որի վրա նստվածք էր: Լցվում էր Դեբեդ գետը: Որքան հնարավոր է շտապ ռեսուրսներ ստանալ ու վերջ»:
Պետական պաշտոնյան՝ այս դեպքում բնապահպանության և ընդերքի տեսչական մարմնի ղեկավարի խորհրդական Մարզպետունի Քամալյանը հերքում է պատգամավորի հայտարարությունը:
Հայաստանում 22 պոչամբար կա, որոնք, բնապահպանների վստահեցմամբ, լուրջ խնդիրներ են առաջացնում: Մի հարցում պաշտոնական ու մասնավոր կարծիքները համընկնում են՝ մեր երկրում պետք է բացառվեն նոր պոչամբարների ստեղծումը, եղածներն էլ պետք է անվտանգ դառնան: