Տնտեսական

ՏՄՊՊՀ-ն քննում է Բագրատաշենի ԱՊՊԱ գործակալների բողոքը

Բագրատաշեն մաքսային տարածքում գործունեություն  իրականացնող ԱՊՊԱ գործակալներ «Թոփ-Սփին» ընկերության բողոքը հասավ  ՏՄՊՊՀ՝ ԱԺ պատգամավոր Էդմոն Մարուքյանի անմիջական մասնակցությամբ:

Բագրատաշեն  մաքսային կետի տարածքի վարձակալության համար  աճուրդ է  հայտարարվել, որին մասնակցել է միայն մեկ ընկերություն:

ՏՄՊՊՀ-ն  փորձում է հասկանալ  արդյո՞ ք աճուրդում հաղթած ընկերությունը պետական աջակցություն ունի՞, թե՞ ոչ:  Ի տարբերություն դիմող կողմի, պատասխանող կողմը գրեթե հարցերի չի պատասխանել, ելույթ չի ունեցել: Նիստն այսօր ավարտվել է, վարչական վարույթը՝ ոչ:

 

 

Այս տարվա հունվարի 1- ից Բագրատաշենի անցակետում ապահովագրական գործունեություն է սկսել ծավալել «Թոփ-Սփին» ընկերությունը: Այն  «Նաիրի Ինշուրանս» և  «ԻնգոՍրմենիա » ապահովագրական ընկերությունների գործակալն է: ԱՊՊԱ գործակալները դժգոհ են, նրանք իրենց բողոքը տարեսկզբին արտահայտեցին նաև  քսան րոպեով փակելով  Հայաստան-Վրաստան միջպետական ճանապարհը:

Խնդրով հետաքրքրվեց ու ՏՄՊՊՀ-ին դիմեց ԱԺ պատգամավոր Էդմոն Մարուքյանը: Նրա դիմումի հիման վրա էլ հակամենաշնորհային մարմինը վարչական վարույթ սկսեց: ՏՄՊՊՀ մեթոդաբանության և ծրագրերի մշակման վարչության պետի տեղակալ Արսեն Պետրոսյանի փոխանցմամբ՝

Ընկերությունը, ըստ  պատգամավորի, ապահովագրական գործունեություն է իրականցնում անմիջապես մաքսային անցակետի տարածքում: Մյուս ապահովագրական գործակալներն այդ հնարավորությունը չունեն՝ ըստ պատգամավորի:

ՏՄՊՊՀ-ն այժմ փորձում է  հասկանալ՝ կա՞ պետական օժանդակություն, թե՞ ոչ: Պետգույքի կառավարման վարչությունից  «Ռադիոլուր»-ին փոխանցեցին, որ Տավուշի մարզի Այրում համայնքի  Բագրատաշեն գյուղի համապատասխան հասցեում գտնվող ոչ  բնակելի տարածքի համար սահմանված կարգով աճուրդ է հայտարարվել: Մրցույթին մասնակցել է միայն մեկ ընկերություն՝ «Թոփ-Սփին»-ը:

Մեզ նաև փոխանցեցին, որ մրցույթի վերաբերյալ հայտարարությունները պահանջվող կարգով մրցույթից առնվազն 15 օր առաջ տեղակայվել են արդարադատության նախարարության azdarar.am և ՊԳԿ վարչության spm.am կայքերում: Այն անցկացվել է 2017թվականի դեկտեմբերի  22-ին:  Նույն տեղեկատվությունը վարչությունը նաև  ՏՄՊՊՀ-ին է փոխանցել:

Հակամենաշնորհային մարմինը փորձում է պարզել, թե  աճուրդին ինչու չեն մասնակցել ԱՊՊԱ գործակալները: Հանձնաժողովի նախագահ Արտակ Շաբոյանը հարց ուղղեց  ՏՄՊՊՀ մեթոդաբանության և ծրագրերի մշակման վարչության պետ Արման Մանասերյանին:

«Ռադիոլուր»-ը նույն տեղեկատվությունը ստանալու համար դիմեց Ավտոապահովագրողների բյուրոյին: Այստեղից  մեզ  փոխանցեցին, որ  իրենք գործակալների հետ կապ չունեն: «Թոփ-Սփին» ընկերության լիազոր ներկայացուցիչ Հայկ Մելքոնյանն այսօր  գրեթե չխոսեց ոչ նիստի ընթացքում, ոչ էլ՝ ավարտից հետո: Որքան էլ ՏՄՊՊՀ նախագահ Արտակ Շաբոյանը փորձեց կարծիք կամ տեսակետ  ստանալ՝ չհաջողվեց:

Նա մեկ հայտարարություն, այդուհանդերձ, արեց.

«Այս պահին բագրատաշենում գործունեությունը դադարեցված է»:

Պատգամավոր Էդմոն Մարուքյանի ներկայացուցիչ Դավիթ Խաժակյանը խնդրի շուրջ մտահոգություն հայտնեց:

Նիստն այսօր ավարտվեց, վարչական վարույթը՝ ոչ:

Back to top button