Ադրբեջանական հաքերներին այս տարի չի հետաքրքրել հայաստանյան կիբերտարածքը
Ադրբեջանցի և թուրք հաքերները շարունակում են հետաքրքրվել հայաստանյան կիբերտիրույթով: Նրանք հատկապես մեծ ակտիվություն են ցուցաբերում հունվարին, երբ 1990 թվականին հայկական կոտորածների 7-րդ օրը` հունվարի 20-ին, խորհրդային զորքերը մտան Բաքու:
Այդ օրը ադրբեջանցիներն անվանում են «սև հունվար»: Հունվարին են ամենաշատը կոտրվում սոցիալական կայքեր, որտեղ գլխավոր դիմանկարը «սև հունվար»-ի վերաբերյալ նկարներ են: Տեղեկատվական անվտանգության հարցերի փորձագետ Սամվել Մարտիրոսյանի տեղեկություններով՝ այս տարի հաքերային խմբերն այդքան էլ ակտիվ չեն եղել կիբերտարածքում՝ չնայած որ հակառակն էր կանխատեսվում:
Հայաստանյան կիբերտարածքում հունվարին միշտ նկատվել է ադրբեջանական ու թուրքական հաքերային խմբերի ակտիվացում: Նման իրավիճակը տեղեկատվական անվտանգության հարցերի փորձագետ Սամվել Մարտիրոսյանը կապում է հունվարի 20-ի հետ, որն ադրբեջանցիներն անվանում են «սև հունվար»՝ կապված 1990 թվականին հունվարի 20-ին խորհրդային զորքերի Բաքու մտնելու հետ: Այս տարի տեղեկատվական անվտանգության հարցերի փորձագետ Սամվել Մարտիրոսյանը նույնիսկ ավելի վատ քայլերի ակնկալիքներ ուներ, սակայն կանխատեսվածը չիրականացավ: Հակառակորդ պետությունների ցանցահեններն այս տարի պասիվ են եղել: Սոցիալական ցանցեր կոտրվել են, սակայն դրանք մեծ թիվ չեն կազմել:
«Ինչ որ պրոֆիլներ կոտրել են և վրան տեղադրում են հունվարի 20-ի հետ կապված տեղեկատվություն»:
Փորձագետ Գրետա Ավետիսյանը կիբերտիրույթում հաքերային խմբերի պասիվությունը կապում է տեխնիկական խնդիրների հետ: Հայաստանյան կիբերտարածքը տարիների ընթացքում ավելի ամրապնդվել է, և հնարավոր է ցանցահեններին չի հաջողվում կոտրել կայքէջերը, ասում է:
«Պետք չէ կորցնել զգոնությունը: Սպասվում է մեկ այլ տարի ևս՝ Սումգայիթը: Եվ 30-ամյակն է Սումգայիթի: Ինչպես մյուս տարիներին, այս տարի առավել կակտիվանան հաքերային հարձակումները»:
Ադրբեջանական հաքերների գործողությունները էթնո քաղաքագետ Ռուբեն Էլամիրյանը բնութագրեց ճշմարտությունը միջազգային հանրությունից կոծկելու փորձ։ Հիշեց նախորդ տարի Հայաստանում օտարերկրյա դեսպանատների կայքէջերի վրա լայնածավալ հարձակումները:
« Ես ենթադրում եմ, որ մեր դեսպանությունները միգուցե տեղադրել էին «սև հունվարի» հետ կապված տեղեկություններ կամ պատրաստվում էին և հաքերային հարձակումներով ադրբեջանական կողմը փակում էր տեղեկատվությունն ամբողջ աշխարհի համար: Փորձել փակել մեր ճշմարտության տարածումը»:
Սակայն այս տարվա պասիվությունը բաժանեց 3 խմբի: Առաջինը, որ հայ օգտատերերն այնքան էլ ակտիվ չեն եղել «սև հունվարի» մասին տեղեկություններ տարածելով, երկրորդը‘ բարձրացել է կիբերանվտանգության մակարդակը, ինչն էլ կարող է ադրբեջանական ցանցահեններին հեռու պահել հարձակումներից և ամենավերջինը‘ հունվարին 18-ին Էդվարդ Նալբանդյան Էլմար Մամեդյարով հանդիպման ընթացքում հնարավոր սկզբունքային համաձայնության պայմանավորվածությունն էր հրադադարի ռեժիմը պահպանելու համար: Կողմերը փորձում են տեղեկատվական դաշտում զերծ մնալ պրովոկացիոն գործերից: