հրապարակված 11.23
լրացված 16.46
Ազգային ժողովն այսօր առաջին ընթերցմամբ միաձայն ընդունեց «Ահաբեկչական խմբավորումների կողմից իրենց վերահսկողության ներքո գտնվող Իրաքի Հանրապետության տարածքներում եզդի ժողովրդի նկատմամբ 2014 թ-ին իրականացված ցեղասպանության դատապարտման մասին» նախագիծը:
Այս նախագծի ընդունումն այն բացառիկ դեպքերից է, երբ Ազգային ժողովի 4 խմբակցությունները մի կողմ դնելով իրենց քաղաքական անհամաձայնությունները այս նախագծին կողմ քվեարկեցին:
91 կողմ եւ 1 ձեռնպահ ձայների հարաբերակցությամբ Ազգային ժողովն այսօր ընդունեց «Ահաբեկչական խմբավորումների կողմից իրենց վերահսկողության ներքո գտնվող Իրաքի Հանրապետության տարածքներում եզդի ժողովրդի նկատմամբ 2014 թ-ին իրականացված ցեղասպանության դատապարտման մասին» նախագիծը:
Մինչ քվեարկությունը կսկսվեր՝ ՀՀԿ խմբակցության պատգամավոր Սամվել Ֆարմանյանը որոշակի դժգոհություն հայտնեց: Ֆարմանյանը նշեց, որ նախագծի հեղինակներն իր առաջարկները հաշվի չեն առել:
Նախագծի հեղինակներից Արմեն Աշոտյանն արձագանքեց՝ տվյալ ճանաչումը վերաբերում է կոնկրետ Իրաքի տարածքում կոնկրետ եզդիների հանդեպ գործած ցեղասպանությանը։
Հատկանշական է, որ այս նախագծի ընդունումն այն բացառիկ դեպքերից է, երբ Ազգային Ժողովի 4 խմբակցությունները հանդես են գալիս որպես նախագծի հեղինակներ: Սա իսկապես պատմական իրադարձություն է, գոհունակությամբ նկատում է Երիտասարդ եզդիների ասոցիացիայի նախագահ Սաիդ Ավդալյանը:
Այս նախագիծն իսկապես շատ կարևոր նշանակություն ունի՝ ասում է Սաիդ Ավդալյանը և հավելում. ԱԺ-ն միջազգային հանրությանը ցույց տվեց, որ եթե չդատապարտվի հայերի և եզդիների ցեղասպանությունը, աշխարհը նոր ցեղասպանությունների ականատես կլինի: