Տնտեսական

Վաճառում ենք մեր ապագա սերնդի ապագան՝ քրքրված ու բզկտված. տնտեսագետ

Հանքարդյունաբերությունը Հայաստանում ամենախնդրահարույց ոլորտներից է: Բնապահպանները հատկապես հանքերի անխնա շահագործումից  են դժգոհ ու անհանգստացած:

«Ռադիոլուր»-ի հետ զրույցում  էներգետիկ  ենթակառուցվածքների ու բնական պաշարների նախարար Աշոտ Մանուկյանը նշել է, որ այժմ արդեն անտառածածկ տարածքներում հանքերի բաց եղանակով շահագործման թույլտվություն չեն տալիս:

Մասնագետների պնդմամբ, սա, սակայն, հարցի լուծում չէ:

Հայաստանի տնտեսության, այսպես ասենք, շարժիչ ուժը վերջին տարիներին դարձել է  հանքարդյունաբերությունը: Բնապահպանները շարունակում են ահազանգել՝ հանքերը անխնա շահագործվում են: Սրա մասին բարձրաձայնում են նաև տնտեսագետները, ինչպես օրինակ զրուցակիցս՝ «Տնտեսական իրավունքի կենտրոն» Հ/Կ նախագահ Մովսես Արիստակեսյանը.

«Հանքարդյունաբերության վրա զարգացած տնտեսություն մեզ բոլորովին ձեռք չի տալիս: Մենք երրորդ երկիր չենք: Մենք վաճառում ենք մեր ապագա սերնդի ապագան՝ քրքրված ու բզկտված»:

Մոտ երեք տասնյակ հանքավայր այս պահին շահագործվում է՝ ասում է «Ռադիոլուրի» մյուս զրուցակիցը՝ Էներգետիկ ենթակառուցվածքների ու բնական պաշարների նախարար Աշոտ Մանուկյանը: Նրա խոսքով, Հայաստանը պետք է կարողանա տնտեսական ու բնապահպանական ռիսկերը համակշռել, գտնել ոսկե կշիռը:

Փորձագետների մի մասը պնդում է, որ առավել ցանկալի է հանքավայրերի փակ եղանակով շահագործումը:

Մասնագետներն այս հարցում էլ միակարծիք չեն:  ԳԱԱ էլոկոգոնոոսֆերային հետազոտությունների  կենտրոնի տնօրեն Արմեն Սաղաթելյանը նշում է:

Ոլորտի պատասխանատուն վստահեցնում է՝ հանքավայրի շահագործման լիցենզիա տալիս բոլոր ռիսկերն են հաշվի առնում: Ավելին, մտահոգ են նաև ներկա սերնդի ապագայով:

Հայաստանում հիմնական հարստությունը՝ լանդշաֆտն ու բնական ռեսուրսները չեն գնահատվում: Այժմ մի իրավիճակ է ստեղծվել, երբ մեր երկրում հանրայինն այլևս արժեք չունի՝ եզրափակում է ԳԱԱ էլոկոգոնոոսֆերային հետազոտությունների  կենտրոնի տնօրեն Արմեն Սաղաթելյանը:

Back to top button