Արմավիրի մարզի տարեգիրք հանրագիտարան
Գրող, հրապարակախոս, բանաստեղծ, արձակագիր Ռաֆայել Սահակյանը օրեր առաջ ընթերցողի սեղանին է դրել իր հեղինակած թվով 20-րդ գիրքը, որ Արմավիրի մարզի մասին պատմող տարեգիրք հանրագիտարան է: Ռաֆայել Սահակյանը Արմավիրի Հայրենականչ մարզային թերթի գլխավոր խմբագիրն է:
Թերթում տարիներ շարունակ ներկայացվել են մարզի տարբեր համայնքներն իրենց գույներով, կոլորիտով մարդկային պատմություներով, որոնք էլ դարձել են հանրագիտարանի ստեղծման հենքը:
Արմավիրի մարզի մասին պատմող մի քանի գրքերի կողքին տեղ է գտել ավելի հաստափոր տարեգիրք հանրագիտարանը, որի հեղինակը բանաստեղծ, արձակագիր Ռաֆայել Սահակյանն է: Նա մի շարք գեղարվեստական գրքերի և բանաստեղծությունների ժողովածուների հեղինակ է: Ընթերցողների դատին է հանձնել Ծաղկած կարոտ, Երկու ափ, Ծիրանավոր Աղոթարան բանաստեղծությունների ժողովածուները, Արևի արցունքներ, Արարաչական սեր, Սերը կակաչների հովտում և այլ գեղարվեատական գրքեր, որի առանցքում հայրենիքն է, սերը, կարոտը:
Ռաֆայել Սահակյանն ապրում և ստեղծագործում է Արմավիրում: Հայրենակիցները լավ են ճանաչում նրան, ծանոթ են նրա գրչին ու հեղինակած գրքերին:
Մեծ տպավորություն է թողել ,,Էրգիրը տեսա հորս աչքերով,, հուշագրությունը, որը ընթերցողներին մտովի տեղափոխում է նախնիների երկիրը:
Գեղարվեստական լուծումներ են ստացել արցախյան ազատամարտի հերոսների մասին վավերապատումները, որոնք ամբողջացել են ,,Գիրք վշտի և հպարտության,, ,,Արծվապաշտ երկիր,, գրքերում:
Գեղարվեստական գրքերի կողքին օրերս հրատարակվեց Արմավիրի մարզ տարեգիրք հանրագիտարանը: Ռաֆայել Սահակյանը գրքի ստեղծման գործին նվիրվել է տարիներ առաջ: Նա լինելով Արմավիրի մարզային ,,Հայրենականչ,, թերթի գլխավոր խմբագիրը, շարունակ անդրադարձել է մարզի բոլոր բնակավայրերի պատմությանն ու մարդկային պատմություններին, ամբողջը մեկտեղել մեկ գրքում:
1520 էջանոց տարեգրքում ներառված է 2800 հոդված, 2500-ից ավելի լուսանկար: Գրքի հրատարակման առթիվ իր կարծիքն հայտնեց նաև գրողների միության նախագահ Էդվարդ Միրլիտոնյանը:
Ռաֆայել Սահակյանը նաև գրողների միության Արմավիրի մասնաճյուղի նախագահն է: Նա ունի մի շարք պարգևներ, իսկ տարեգիրք-հանրագիտարանի համար արժանացել է նաև գրողների միության հատուկ գրչին: