Կդառնա՞ Հայաստանն օրգանիկ գյուղատնտեսության երկիր
Դասընթացներ՝ մատչելի տոկոսադրույքով վարկեր ձեռք բերող ֆերմերների համար: Փորձնական ծրագիրը ավարտված է:
Հաջողված ու հեռանկարային ծրագրերը մասնագետների հավանությանն են արժանացել ու այժմ վարկավորման փուլում են:
Գյուղատնտեսության զարգացման հիմնադրամի գործադիր տնօրեն Գեղամ Գևորգյանը խոստովանում է՝ հեշտ չէ գյուղացուն համոզել, որ հին մեթոդներից անցնի նորերին:
Այժմ էլ փորձում են համոզել, որ օրգանական պարարտանյութը սելիտրայից ավելի արդյունավետ ու անվտանգ է:
Գյուղացուց ֆերմեր դարձնել. Հայաստանի այս կառավարության որդեգրած քաղաքականությունն է: Մինչ այդ, գյուղացիներն ու հատկապես անհատները խորհրդատվության կարիք ունեն, ինչպես օրինակ զրուցակիցս։ Ավանդական կաղամբ մշակելու փոխարեն ասում է, որ պատրաստ է այլ մշակաբույս ցանել:
Խորհրդատվություն տրվում է՝ հայտնում է Գյուղատնտեսության զարգացման հիմնադրամի գործադիր տնօրեն Գեղամ Գևորգյանը։ Նկատում է՝ հեշտ չէ գյուղացուն խորհուրդներ տալը, գիտեն ու պատրաստ են դժվարություններին:
Հերթական դժվարություններից մեկն էլ ցածր տոկոսադրույքով վարկերի ստացման համար կազմակերպվող դասընթացներն էին:
Հերթական, այսպես ասենք, համոզելու փուլում է նաև ավանդական սելիտրան օրգանական արտադրությամբ պարարտանյութով փոխարինելու գործը: Սկզբնական փուլում որևէ մեկը չէր հավատում, սակայն քայլ առ քայլ սկսեցին կիրառել։ Գյուղացում միայն փաստերով պետք է ապացուցել՝ ասում է:
Քիմիական պարարտանյութերը օրգանականով փոխարինելով փորձ է արվում մեր երկրում գյուղատնտեսությունը օրգանիկ դարձնել: Արդյո՞ք հանքարդյունաբերության նման տեմպերի զարգացմամբ հնարավոր է Հայաստանում օրգանիկ գյուղատնտեսությունը՝ հարցնում եմ սննդագիտության դոկտոր Դավիթ Պիպոյանին: Հարցին պատասխանելու համար լուրջ հետազոտություն է պետք՝ ասում է:
Զրուցակիցս ընդգծում է՝ լեռնահանքային արդյունաբերությունն ու օրգանիկ գյուղատնտեսությունը կողք կողքի չեն կարող զարգանալ:
Պիպոյանը կարևորում է գյուղացուն գյուղում պահելու քաղաքականությունը: Իսկ դա հնարավոր է, եթե գյուղացին կյանքին համարժեք ռիթմ ունի՝ ասում է ու բացատրում
«Գյուղական համայնքներում մարդֆիկ իրենց համար աշխատատեղեր են ստեղծում»:
Ամենավառ օրինակը Երևանն է, երբ մարդը թողնում է գյուղն ու հողը և բանվորի, շինարարի աշխատանք փնտրում մայրաքաղաքում: «Սա արդեն նրա մասին է խոսում, որ ագրարային քաղաքականությունը մեր երկրում վատ է իրականացվում»,- եզրափակում է սննդագիտության դոկտոր Դավիթ Պիպոյանը: